"Радуйся Невісто неневістная!" (св. Нектарія Егінського). Співають монахи Студитського уставу УГКЦ.

Маріє, Діво Чистая, Пресвятая Богородице; Радуйся, Невісто неневістная. Царице, Мати, Діво, Руно всепокривающеє; Радуйся, Невісто неневістная. Превишшая Небесних сил, Нетварноє Сіяніє; Радуйся, Невісто неневістная. Ликов дівичих радосте І Ангелов превишшая; Радуйся, Невісто неневістная. Небес Честная Сило І Світе паче всіх світов; Радуйся, Невісто неневістная. Честнійшая Владичице Всіх Небесних воїнств; Радуйся, Невісто неневістная. Всіх праотцев Надеждо, Пророков Ісполненіє; Радуйся, Невісто неневістная. В подвизіх Ти помоще, Кивоте Бога Слова, Радуйся, Невісто неневістная. Ти дівам Ликованіє І матерем Отрадо; Радуйся, Невісто неневістная. Премудрія Наставнице, Душ наших Опеченіє; Радуйся, Невісто неневістная. Покрове, ширший облака, І страждущих пристанище; Радуйся, Невісто неневістная. Немощних Покров і Заступнице, Надеждо ненадежних; Радуйся, Невісто неневістная. Маріє Діво, Мати Христа, Істиннаго Бога; Радуйся, Невісто неневістная. Ааронов Жезле прозябший, Сосуде тихой радости; Радуйся, Невісто неневістная. Всіх сирих і вдов Утішеніє, В бідах і скорбіх Радосте; Радуйся, Невісто неневістная. Священная і Непорочная, Владичице всепітая; Радуйся, Невісто неневістная. Приклони ко мні милосердіє Божественнаго Сина; Радуйся, Невісто неневістная. Ходатайце спасенія, Припадая, взиваю Ти: Радуйся, Невісто неневістная.