Peshawar Mein Khawateen Ke Liye Hunar Ka Mauqa | Saira Peter Ki Khaas Shirkat#Peshawar#SairaPeter

Peshawar mein khawateen aur bachiyon ko silai, karhai, cutting aur stitching ki training mukammal karne par certificates aur silai machines taqseem ki gayin. Program ki organizer Lubla ne bataya ke unka idara taqreeban 3 saal se khawateen ko mukhtalif hunar sikha raha hai aur ab tak taqreeban 40 bachiyan courses mukammal kar chuki hain. Is martaba do batches ne apna ek saala course mukammal kiya. Program ki chief guest mashhoor singer Saira Peter ne Peshawar ke logon ke shandaar istaqbal par khushi ka izhar kiya aur khawateen ko paigham diya ke mushkilat se ghabrane ke bajaye Allah par bharosa rakhein aur mehnat jari rakhein, kyun ke zindagi mein kamyabi ka koi shortcut nahi hota. Saira Peter ne mazeed bataya ke unhein Hukoomat-e-Pakistan ki janib se Sitara-e-Imtiaz ke liye nominate kiye jane par bohat khushi hui hai. Unka kehna tha ke woh Pakistan ka positive image duniya bhar mein ujagar karne ke liye apna kirdar ada karti rahengi. #Peshawar #SairaPeter #WomenEmpowerment #SkillDevelopment #KPBreakingNews #Pakistan #Stitching #Embroidery #WomenSkills #SitaraeImtiaz