羅樂林獲頒下半年度傑出員工獎 龍家人齊現身為大龍生慶祝

羅樂林獲頒下半年度傑出員工獎 龍家人齊現身為大龍生慶祝 羅樂林 呢日出席「傑出員工嘉許計劃」頒獎禮，獲頒發「2026年下半年度傑出員工」獎，一班《愛・回家之開心速遞》嘅拍檔三太 樊亦敏、 許家傑、 林淑敏、 蘇恩磁 同埋 何晉樂 都有特登到場支持，而未有現身嘅 周嘉洛、 陳浚霆、 滕麗名、 姚瑩瑩 就預先拍片送上祝賀，令大龍生相當感動。 嚟緊20號就係大龍生78歲生日，一眾「龍家人」除咗準備鮮花、蛋糕，當然有齊齊合唱生日歌為佢慶祝啦。對於得獎感受，大龍生就覺得每位員工嘅付出公司都會知道，亦好感謝台前落後咁有心嚟祝賀。 大龍生效力TVB 37年，佢專業嘅工作態度深受後輩敬重，特別係佢對工作嘅嗰團火同埋十年如一日嘅身材管理，都令一班後輩好敬佩。大小姐就話，大龍生專業態度令人敬佩，即使隻腳唔舒服，但為咗唔好耽誤進度都堅持繼續拍攝，從未偷懶。三太讚大龍生心理狀態非常好，無論咩時候都好積極同正面，而且對自己好負責任，仲叫阿Rock要好好學習。 #羅樂林 #傑出員工嘉許計劃 #2026年下半年度傑出員工 #愛回家之開心速遞 #樊亦敏 #許家傑 #林淑敏 #蘇恩慈 #何晉樂 #專業態度 #身材管理 #慶生#TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0