回流係原罪？為照顧長期老父，移英KOL舉家回港，慘被合理懷疑係共諜賺夠返大灣區

移英KOL「鬆仔」宣布全家返香港，即刻被成個移英社群鬧爆——你賺完錢就走啦，你唔敢講嘢啦，你係回流KOL，甚至話佢有任務。但睇返佢條片，根本冇一句講政治。佢阿媽走咗，剩返八十幾歲、有老人病同記憶衰退嘅老父獨留香港，得個唔識廣東話嘅姐姐陪同，成個月覆診四次，佢係獨子、係老父唯一信任嘅人。佢返去，係一個仔返去盡應有嘅責任。仲要佢親口講，佢兩個仔喺英國讀嗰間百年私校，因政府加費搞到殺校、罷工、三分之一家長退學，連校長都叫佢轉校；反而返香港讀英制國際學校，平過英國、適應得超好、自己識搭地鐵、仲入咗足球隊。佢仲澄清呢個唔算「回流」，因為太太同兩個仔都喺英國出世。你話，一個咁簡單嘅家庭決定，點解會變成「間諜」同「任務」？今集同你拆吓，真正夢碎嘅，唔係嗰個返去盡孝嘅人，而係嗰班唔肯醒、淨係識屈人嘅人。 #國際關係 #地緣政治 #英國 #移民 #海外生活 #移英 #移民英國 #英國生活 #回流 #香港 #時事議題 #Podcast ============ 主持: 義德臺仰, 許留山 【芒訊社報料熱線 Whatsapp】852 4421 7734 【正向報】   / @positiveviewhk   【嘥冷氣】   / @cold-air   【芒向報官方Facebook】https://tinyurl.com/wcbyrscx ============