✅ Тилеке Баатыр көчөсүнүн 12 кабаттуу 110 батирлүү көп кабаттуу турак үйдүн тапшыруу аземи болду

✅ Ош шаарынын Тилеке Баатыр көчөсүнүн номер алтынчы дарегиндеги 12 кабаттуу 110 батирлүү үлүштүк курулуштун долбоору менен курулган көп кабаттуу турак үйдү салтанаттуу тапшыруу аземи болду. 🔶 Ага Ош шаарынын мэри Жеңишбек Токторбаев, Ош шаардык кеңешинин төрагасы Болот Баетов, мекеме-ишкана жетекчилери жана жаңы конуштан үй алышкан жашоочулар катышты. 🔶 Алгач шаар мэри Жеңишбек Токторбаев турак жайдын ээлерин куттуктап, калаа тургундарын үй менен камсыздоо мэриянын негизги багыттарынын бири экендигин айтып, учурда муниципалдык ипотека компаниясы тарабынан шаарда 17 көп кабаттуу үй курулуп жаткандыгын, мунун алкагында жалпы үч миңден ашуун үй-бүлө турак жайлуу болушарын билдирди. 🔶 Андан соң калаа башчысы жана шаардык кеңеш төрагасы жаңы үйдүн ачкычтарын ээлерине тапшырышты. Турак үйдүн кызыл тасмасы кесилип, жашоого даяр шарттары менен берилген батирлерди көрүп, таанышып чыгышты. _________________________________ 📝 Маалыматтык камсыздоо бөлүмү #Ош_мэрия