Inyigisho ya Sr Immaculée aragira ati: UMUNTU AHORA YIGA! || Ijambo ry'Imana ryo kuwa 21-8-2022

#URAKABAHO #Sr#Uwamariya#Immaculée IJAMBO RY'IMANA RYA BURI MUNSI SHALOM. UMUNTU AHORA YIGA! Inzira y’ubutungane n’ishuri ritarangira. Ntuzategereze ibyishimo gusa kuko hari amasomo utabyigiramo. Hari igihe Imana yemera ko n’ibyago bikugeraho ngo ikwigishe icyo utigeze umenya. Aho kwirirwa witotomba senga maze umenye igikwiye. Ubuzima ni umuhanda urimo amakorosi. Kumenya uko uyitwaramo nibwo bwenge. Nta muntu n’umwe utagira ikibazo hari igihe uwo utekereza ko atagifite agusangije ibye wabona ko wowe ufite bike. Nubona ibyiza ujye ushima Imana kandi n’ingorane niziza nabwo uyisingize. Guhabwa ijuru bizaterwa n’uko witwaye muri ibyo byose. Ikumurikire kandi umugisha wayo uguhoreho. Urakabaho. Sr Immaculée Uwamariya Tuzirikane amasomo yo ku wa 21/8/2022 Iz 66,18-21 Zab 117 Heb 12,5-7.11-13 Lk 13,22-30 Sr Immaculée Uwamariya