“Murov Qartalı” shehid kapitan Kenan İsrafilov!

Abone OL: https://goo.gl/W99fFm Copyright © ARB Şəki Sayt: https://goo.gl/NfKDu5 Facebook: https://goo.gl/XVhVzG Əsgərlərini xilas edərkən şəhid olan “Murov qartalı” ləqəbli Kənan İsrafilovun xatirəsini ailəsi, yaxınları ilə yanaşı, xidmət etdiyi dövr ərzində ona yoldaşlıq edən hərbiçilər də əziz tutur, tez-tez yad edir, xatirələrini bölüşürlər. Ölümündən sonra "Vətən uğrunda" və “Hərbi xidmətlərə görə” medalları ilə təltif olunan qəhrəman şəhidimizin həyat və döyüş yolu hər birimiz üçün örnəkdir. Vətən müharibəsində 10-dan çox düşmən mövqeyini darmadağın edən, “Murov Qartalı” ləqəbli şəhid kapitan Kənan İsrafilov hərbiçi yoldaşlarının daim xatirələrində yaşayır. Qəhrəman kapitan xidmət etdiyi illər ərzində əsgər və zabitlərin böyük hörmətini qazanıb. Elə bunun nəticəsidir ki, hərbiçi yoldaşları da vaxtaşırı onun məzarını ziyarət edir, xatirəsini əziz tuturlar. Kənan İsrafilov komandirlik etdiyi əsgərlər təxris olunduqdan sonra da onlarla vaxtaşırı əlaqə saxlayıb. Qarşılaşdıqları hər bir çətinlikdə onlara köməklik göstərib. Onun rəhbərlik etdiyi əsgərlər qayğıkeş komandiri heç vaxt unutmayacaqlarını deyirlər. Qeyd edək ki, düşmənin qorxulu kabusuna çevrilən tabor komandiri Murovdağ, Cəbrayıl,Suqovuşan və digər istiqamətlərdə gedən döyüşlərdə şücaətlə vuruşub. Son dəfə Talış istiqamətində gedən şiddətli döyüşdə düşmən Kənanın başçılıq etdiyi bölməni pusquya salıb. Cəsur kapitan yaralansa da zabit yoldaşlarını,əsgərlərini öz həyatı bahasına xilas etmək üçün döyüşə atılıb. Onları xilas etsə də özü şəhadətə qovuşub. Evli olan qəhrəman komandir 2 yaşlı qızı Aysunu əmanət qoyub. #ARBŞəki #şəhid #Kənanİsrafilov