لقاح الانفلونزا الرباعي هل هو فعلا آمن وطريقة استخدامه الصحيحة

مصل الانفلونزا هيديك حماية من الانفلونزا 80% وهيقلل نسبة الاصابة بشكل كبير وكمان لا قدر الله لو اتعديت هيكون الاعراض اقل والمدة قليلة جدا والنقطة المهمة جدا هو أنة هيمنع المضاعفات . هو أية مصل الانفلونزا :أحنا جبنا الفيروس المسبب لانفلونزا و موتناة علشان ميضركش وبعدين بنحقنة فى جسمك , وبكدة جسمك وجهازك المناعى يقدر يتعرف علية ويكون لية اجسام مضادة من غير مايسببلك أى مشاكل وبكدة جسمك عمل حركة أستباقية كدة بتحفز الجهاز المناعى وتكون الجيش الى بيكون جاهز أنة يهاجم ويقبض على عدوى الانفلونزا ويتغلب عليها ببساطة. الاجسام المضادة مع الوقت بتبدأ تقل ,عشان كدة ينصح انها تتاخد ,كل سنة ,وكل سنة بيكون فى نوع جديد أو ممكن نقول نوع محدث لان انفلونزا دى حاجة ذكية جدا بيتغير شكلها واسلوبها علشان كدة المصل كل سنة بيجدد. طيب لو انا اخدت المصل مش هيجيلى برد ؟ المصل هيعمل وقاية بنسبة 80% وزى ما قولنا فية فرق كبير بين البرد والانفلونزا رغم انة فى أغلب الاوقات مش بيكون فية الم فى الجسم وارتفاع فى درجة الحرارة مع الكحة. أخد المصل أمتى اول ما يتوفر اللقاح علطول حاول تأخدة ويفضل قبل فصل الشتاء (الفترة من سبتمر-أكتوبر ) تطعيم السنة دى اسمة : INFLUVAC TETRA تطعيم انفلونزا الرباعى ودة غير بتاع السنة الى فاتت الى كان ثلاثى ,الفرق مابينهم ؟ انة بتاع السنة دى محدث وبيعطى 4 سلالات فى الانفلونزا ,من أ واتنين من ب طيب اية الجرعة . تحت سن 6شهور مينفعش ناخدة ,ومن سن 6 شهور لحد 9 سنين بياخد الجرعة كاملة ,اما لو كانت اول مرة ياخدة فالافضل اننا نكرر الجرعة بعد اربع اسابيع من اول جرعة . , فوق ال10 سنسن بياخد جرعة كاملة . المصل بيتاخد فى عضلة الكتف وتدخل السن كامل . طيب اللقاح دة امن مفيش اعراض جانبية اللقاح أمن جدا علشان كدة احنا بندية للسيدات الحوامل ومغيش منة اى ضرر ,اما بالنسبة لاعراض الجانبية ,فهى نادر لما بتحصل سخونة او ورم مكان الحقنة ,ممكن سخونة بسيطة او صداع. اخر سؤال معانا النهاردة مين لازم ياخد المصل ؟ كل الناس بلا أستسناء لازم تاخدة ,خصوصا احنا محتاجين مناعة قوية علشان نحصن نفسنا من اى دور انفلونزا يقلل المناعة فنكون عرضة لاى فيروس تانى زى الكورونا لا قدر الله. دمتم سالمين ,مبسوطين ,معافين مناعتكم زى الحديد 0:00 مقدمة عن لقاح الإنفلونزا 1:27 أسباب أخذ لقاح الأنفلونزا 2:14 ما هو لقاح الانفلونزا؟ 2:53 كم مرة يجب أن تأخذ اللقاح؟ 3:19 هل سأكون في مأمن إلى الأبد من الإنفلونزا؟ 4:05 متى تأخذ اللقاح؟ 4:54 ما هي الجرعة؟ 5:31 هل هناك أي آثار جانبية؟ 6:02 من يجب أن يأخذ لقاح الأنفلونزا؟ --------------------------------------------------------------------------------------------- ولأنكم غالين ودعمكم بيفرق .. خلونا دايما علي تواصل وتابعونا علي الانستاغرام والفيس بوك   / empowerminds   👍   / %d9%85%d9%86-%d8%ac%d9%88%d8%a9-%d8%a7%d9%...