Түнгі —ТАХАДЖУТ НАМАЗЫ. НУРЛАН имам #kuran #уагыз #rek #мусылман #ислам

Тәһәжүд намазы қалай оқылады? Алла Тағала Расулаллаға (с.а.с.) былай уахи еткен: «Түнде оянып онымен (Құранмен) нәпіл оқы. Раббың сені мақтаулы орынға жеткізуі мүмкін» (Исра, 79).     Тәһәжүд – түнде оқылатын намаз. Мүслімнің риуаятында Пайғамбарымыз (с.а.с.): «Парыз намаздардан кейінгі ең абзал намаз – түнгі намаз», – деген. Сондай-ақ сол имам Мүслімнің Сахихында Расулалланың (с.а.с.): «Түнгі намазды оқыңдар. Ол – салихалы жандардың әдеті, Раббыларыңмен жақын байланыс, жамандықтарыңды өшіруші әрі күнә істерден тыюшы», – деп өсиет еткен хадисі де бар.      Түнде намаз оқу Пайғамбарымыздың (с.а.с.) қалдырмайтын әдеті болатын. Бұл туралы Айша анамыз (р.а.) былай деген: «Пайғамбар (с.а.с.) түнде табаны жарылып кеткенше намаз оқитын. Бірде мен: «Уа, Алланың елшісі! Неге бұлай етесің? Сенің бұрынғы да, кейінгі де күнәларың кешірілмеп пе еді?», – дедім. Сонда Ол (с.а.с.): «Олай болса, шүкірлі пенде болмайын ба?», – деп жауап берді». (Бұхари мен Мүслім риуаят еткен). Расулалла (с.а.с.) басқаларды да түнде намаз оқуға тұрғызып, соған құлшындыратын.  Рәкағат саны: Тәһәжүд намазының азы екі рәкағат, көбі сегіз рәкағат. Оқылатын уақыты: түннің ортасы, ең абзал уақыты түннің соңғы бөлігі. Яғни таң алдындағы сәрілік уақыты, яғни ораза ұстаушының сәресін ішетін кезі. АЛЛА ДҰҒА-ТІЛЕКТЕРІҢІЗДІ ҚАБЫЛ ЕТСІН!