Առաջին անգամ 23 շաբաթական հղիության ժամկետով ծնված, 540 գր քաշով փոքրիկը պայքարեց ու հաղթեց

Խորը անհասությամբ երեխան Մոր և մանկան առողջության պահպանման գիտահետազոտական կենտրոն էր տեղափոխվել 2021 թվականի հոկտեմբերի 21-ին Վանաձորից` Մուրացան համալսարանական հիվանդանոցի արագ արձագանքման ռեանիմոբիլով: Այսպիսի հղիության ժամկետով և քաշով ծնված երեխայի առողջ դուրս գրումը Հայաստանում աննախադեպ է: Կենտրոն ընդունվելիս երեխայի վիճակը գնահատվել է ծայրահեղ ծանր: Փոքրիկը գրեթե մեկ ամիս միացված էր թոքերի արհեստական շնչառության սարքին: Ճանապարհը դժվար էր և՛ բժիշկների, և՛ երեխայի համար: Սակայն մասնագիտական թիմին հաջողվեց խուսափել նման դեպքերում դիտվող բարդություններից և երեխային 137 օր անց դուրս գրել առողջ վիճակում: Փոքրիկն Անդրեյ անունն է կրում, Անդրեյի մայրը՝ Մարիան, նվիրյալ բժիշկների ջանքերի շորհիվ չորրորդ երեխային գրկելու երջանկությունն է վայելում: Առողջություն և անհոգ կյանք քեզ, փոքրի՛կ: Կարդալ ավելին՝ https://bit.ly/34kJNk8