ស្រុកវាលវែង ជាស្រុកឋានសួគ៌ព្រៃភ្នំ កំពុងជំរុញការអភិវឌ្ឍ

ស្ថិតនៅចម្ងាយប្រមាណ ១១០គីឡូម៉ែត្រពីទីរួមខេត្តពោធិ៍សាត់ ស្រុកវាលវែងពោរពេញដោយសម្រស់ធម្មជាតិ និងតំបន់ទេសចរណ៍លាក់ខ្លួនជាច្រើន រហូតត្រូវបានអ្នកទេសចរប្រដូចជា «ឋានសួគ៌ព្រៃភ្នំ» សម្រាប់អ្នកចូលចិត្តដើរលេង និងស្វែងយល់ពីធម្មជាតិ។ អភិបាលស្រុកវាលវែង ថា អាជ្ញាធរកំពុងជំរុញផែនការអភិវឌ្ឍន៍ជាច្រើន ដើម្បីលើកកម្ពស់សោភ័ណភាព និងទាក់ទាញភ្ញៀវទេសចរឱ្យមកកម្សាន្ត។ ជាក់ស្តែង នៅតំបន់ផ្លូវអន្ទង់អាំងឫផ្លូវបុប្ផាលាក់ខ្លួន ដើមផ្កាក្ងោកនិងដើមត្រៃមាសរាប់រយដើម កំពុងជំរុញការដាំដុះដែលនឹងបង្កើតទេសភាពដ៏ស្រស់ស្អាត និងចម្រុះពណ៌នៅពេលដើមឈើទាំងនេះចាប់ផ្តើមចេញផ្កា។ ទន្ទឹមសម្រស់ធម្មជាតិព្រៃភ្នំដ៏ទាក់ទាញ ស្រុកវាលវែងនៅមានតំបន់ទេសចរណ៍លាក់ខ្លួនជាច្រើន ដែលមិនទាន់មានភ្ញៀវទេសចរទៅដល់ច្រើននៅឡើយ។ លោក ធាន ឡេង បានបញ្ចាក់ថា ដើម្បីបើកសក្តានុពលតំបន់ទេសចរណ៍ទាំងនេះ អាជ្ញាធរកំពុងជំរុញការសាងសង់ផ្លូវតភ្ជាប់ ដើម្បីសម្រួលការធ្វើដំណើរសម្រាប់ភ្ញៀវទេសចរ។ បន្ថែមពីនេះ ការថែរក្សាបរិស្ថាន អនាម័យ និងសណ្តាប់ធ្នាប់សាធារណៈ ក៏ត្រូវបានយកចិត្តទុកដាក់ ដើម្បីធានាថាភ្ញៀវទេសចរអាចមកកម្សាន្តដោយភាពកក់ក្តៅ។ Follow Kampuchea Thmey TV for more: Facebook:   / kptdaily   Telegram: https://t.me/kampucheathmeytv Tiktok:   / kampuchea_thmey_daily