عين السبيت: مدينة صغيرة فيها كلشي والكراء من 750 درهم

فهاد الفيديو غادي ناخذكم معايا فجولة كاملة فـعين السبيت، واحد المركز الصغير والهادي القريب من الرماني وعلى حوالي 70 كيلومتر من الرباط. غادي نشوفو السوق الأسبوعي ديال الاثنين، وندورو فالأحياء والشوارع باش ناخدو فكرة على الحياة فالمنطقة، النظافة، الأمن، والخدمات المتوفرة. عين السبيت فيها المدارس، الثانوية، المسجد، المحلات ومختلف المرافق اللي كيحتاجها الإنسان فالحياة اليومية. كنشارك معاكم كذلك بعض الأثمنة اللي سولنا عليها فالمكان: الكراء كيقدر يبدأ تقريباً من 750 درهم ويوصل لحوالي 1000 درهم، والديور ممكن تلقاوها حسب المكان والحالة ابتداءً من حوالي 24 حتى 30 مليون سنتيم. كاينين حتى بقع صغار بحوالي 70 متر، وبعض الأثمنة اللي سمعنا عليها كتبدأ من حوالي 12 مليون سنتيم. هاد النوع ديال المدن الصغار ممكن يكون اختيار مناسب للناس اللي باغين الهدوء، مصاريف أقل، أو حتى للمتقاعدين اللي ما بقاوش باغين ضغط وغلاء المدن الكبيرة. وفالطريق غادي نشوفو حتى حد البراشوة وعين عودة، والأشغال الكبيرة اللي كاينة فالطريق فالاتجاه ديال الرباط. ما تنساوش الاشتراك فالقناة، ودعمونا بلايك وتعليق، وقولو لينا: واش ممكن تفكرو تسكنو فمدينة صغيرة بحال عين السبيت؟