పశ్చిమ జోన్ ప్రీ-రిపబ్లిక్ డే పరేడ్ క్యాంప్.. నారాయణ విద్యార్థి ఎంపిక.. - NDN News

పశ్చిమ జోన్ ప్రీ-రిపబ్లిక్ డే పరేడ్ క్యాంప్–2026కు నారాయణ మెడికల్ కాలేజీ ఎన్‌ఎస్‌ఎస్ విద్యార్థిని ఎంపిక.. =========================== నెల్లూరు నారాయణ మెడికల్ కాలేజీ ఎన్‌ఎస్‌ఎస్ విభాగానికి అరుదైన గౌరవం దక్కింది. కళాశాలకు చెందిన ఎన్‌ఎస్‌ఎస్ వాలంటీర్ కుమారి ఎ. వైదేహి ప్రతిష్ఠాత్మకమైన పశ్చిమ జోన్ ప్రీ-రిపబ్లిక్ డే పరేడ్ క్యాంప్–2026కు ఎంపికయ్యారు. అదేవిధంగా, నారాయణ మెడికల్ కాలేజీ ఎన్‌ఎస్‌ఎస్ ప్రోగ్రామ్ ఆఫీసర్ డాక్టర్ డి.ఎం. కార్తీక్‌ను ఆంధ్రప్రదేశ్ ఎన్‌ఎస్‌ఎస్ బృందానికి కంటింజెంట్ లీడర్‌గా నియమిస్తూ హైదరాబాద్‌లోని ఎన్‌ఎస్‌ఎస్ ప్రాంతీయ సంచాలక కార్యాలయం, కేంద్ర యువజన వ్యవహారాలు మరియు క్రీడల మంత్రిత్వ శాఖ ఉత్తర్వులు జారీ చేసింది. ఈ సందర్భంగా నారాయణ మెడికల్ కాలేజీ యాజమాన్యం, కళాశాల ప్రముఖులు ఈ విజయాన్ని అభినందిస్తూ ప్రెస్ మీట్ నిర్వహించారు. పశ్చిమ జోన్ ప్రీ-రిపబ్లిక్ డే పరేడ్ క్యాంప్–2026 ఈ నెల 10 నుంచి 19వ తేదీ వరకు తెలంగాణలోని హైదరాబాద్, వెంకటాపూర్‌లో ఉన్న అనురాగ్ యూనివర్సిటీలో నిర్వహించనున్నారు. ఈ జాతీయ స్థాయి శిక్షణా శిబిరంలో ఆంధ్రప్రదేశ్, తెలంగాణ, మహారాష్ట్ర, గోవా, గుజరాత్, డామన్ అండ్ డయ్యూ, దాద్రా అండ్ నగర్ హవేలీ రాష్ట్రాలు, కేంద్రపాలిత ప్రాంతాలకు చెందిన ఎన్‌ఎస్‌ఎస్ వాలంటీర్లు పాల్గొననున్నారు. ఈ సందర్భంగా కళాశాల డీన్ డాక్టర్ పి. శ్రీనివాసులు రెడ్డి మాట్లాడుతూ, ఎన్‌ఎస్‌ఎస్ వాలంటీర్ వైదేహి జాతీయ స్థాయి శిబిరానికి ఎంపిక కావడం, డాక్టర్ కార్తీక్ ఆంధ్రప్రదేశ్ బృందానికి కంటింజెంట్ లీడర్‌గా నియమితులు కావడం కళాశాలకు ఎంతో గర్వకారణమని పేర్కొన్నారు. విద్యార్థుల్లో సేవాభావం, నాయకత్వ లక్షణాలు, క్రమశిక్షణను పెంపొందించడంలో ఎన్‌ఎస్‌ఎస్ విభాగం చేస్తున్న కృషిని అభినందించారు. ఈ విజయానికి సహకారం అందిస్తున్న యూనివర్సిటీ, హైదరాబాద్ ఎన్‌ఎస్‌ఎస్ ప్రాంతీయ సంచాలక కార్యాలయానికి కృతజ్ఞతలు తెలిపారు. ఈ కార్యక్రమంలో డీన్ డాక్టర్ పి. శ్రీనివాసులు రెడ్డి, వైస్ ప్రిన్సిపాల్ డాక్టర్ ఆర్. విశ్వకుమార్, విజువల్ కమ్యూనికేషన్స్ అండ్ పబ్లిక్ రిలేషన్స్ విభాగాధిపతి శ్రీ ఏ.సి. శేఖర్ రెడ్డి, ఎన్‌ఎస్‌ఎస్ ప్రోగ్రామ్ ఆఫీసర్ డాక్టర్ డి.ఎం. కార్తీక్, ఎంపికైన ఎన్‌ఎస్‌ఎస్ వాలంటీర్ కుమారి ఎ. వైదేహి పాల్గొన్నారు. ఈ సందర్భంగా ప్రముఖులు వైదేహి, డాక్టర్ కార్తీక్‌లను అభినందించి, రాబోయే శిక్షణా శిబిరంలో వారు మరింత ప్రతిభ కనబరిచి నారాయణ మెడికల్ కాలేజీతో పాటు ఆంధ్రప్రదేశ్ రాష్ట్రానికి మంచి పేరు తీసుకురావాలని ఆకాంక్షించారు. విద్యార్థుల్లో నాయకత్వ లక్షణాలు, క్రమశిక్షణ, దేశభక్తి, సామాజిక సేవాభావం మరియు వ్యక్తిత్వ వికాసాన్ని పెంపొందించేందుకు నారాయణ మెడికల్ కాలేజీ ఎల్లప్పుడూ కట్టుబడి ఉంటుందని ఈ సందర్భంగా తెలియజేశారు. ► Download NDN Android App: http://goo.gl/Uvt9YB ► Like us on Facebook: https://goo.gl/va71DQ ► Subscribe to NDN HD Live: https://goo.gl/k6zj74 ► Circle us on G+: https://goo.gl/OsCQgw ► Tweet NDN at : https://goo.gl/Xw1TQA