Talk to Me About Love მელაპარაკე სიყვარულზე (ახალი ქართული სიმღერა)

მელაპარაკე სიყვარულზე, როცა მზე კვდება როცა ჩრდილები გარდასულთა, ხეობებს ეკვრის ნათელი ქრება კაბადონზე და ვით ზმანება, ღამის მეუფე წყვდიადიდან ამოდის ეტლით. მელაპარაკე, ვიდრე რამეს ნიშნავს სიტყვები ჭვავის ყანებში, როცა ერთად დაგვიღამდება, მელაპარაკე, სანამ დაღლილს დამავიწყდები და ჩემ თვალებში ეს წყვდიადი დაიქარგება როგორც ამბობენ, ეს სოფელი წამია მხოლოდ, უსასრულობის სისხლიანი ნაიარევი. ცრემლს და სინანულს სამწუხაროდ არ უჩანს ბოლო და ჩვენც სიზმარში დაკარგული დავიარებით. ვიცან ბოროტი! და სიკეთის გზებიც გავიგე, მაგრამ ჩემთვის ხომ სიყვარული ყველაფერია. სანამ უფალი უკვდავების კარებს გამიღებს, ჭვავის ყანებში შენ გიპოვი ჩემო ფერია. მელაპარაკე სიყვარულზე, როცა მზე ჩადის, როცა შენს გვერდით, თვით წყვდიადიც მშვენიერია. სიცოცხლე გადის წვრილმანებში, ცხოვრება გადის, მაგრამ ჩვენთვის ხომ სიყვარული ყველაფერია. ლექსის ავტორი - მერაბ ბარბაქაძე (მუსიკა და შესრულება გენერირებულია ხელოვნური ინტელექტით)