Kalumlu 10 | Nchumhmei Tanhlou Khang Huaineimei | Inspirational Music #Psalms #rongmei

Kalumlu 10 | Nchumhmei Tanhlou Khang Huaineimei | Inspirational Music #Psalms #rongmei “Sing to the Lord a new song.” Rongmei Kalumlu Nchumhmei Tanhlou Khang Huaineimei 10 He RINGHPOU, aniu rianra bammei gan khou, tabui suna nang hei san duh bam tu cho? Tabui suna nang nkamh bam tu cho? 2Meisimeinun ramhkhesuna lungsimeinun ta rai e; kaniu ta kaniu phah khou timanhlou o. 3Meisimei tei kamei kahaumei simei khou tei kagangh su e; agampuimei tei RINGHPOU ta siang e khatni lalou mak ge. 4Daih tatuna meisimei tei RINGHPOU ta phu mak ge, kumna Ragwang mak ge tuna kakhanh e. 5Meisimei tei ramhlam kaguaina khou lunggai bam nuh e tiki kamei thai tangh makmei khou Ragwang tuang latzan nai e; kamei rui zauhzihmeinun ta mala kha e. 6“Ai hei kalung dat zat ni tuang hamh the, akhou rianramei keilou dat zat ni tuang hamh the,” tuna meisimei rui kakhanh e. 7Kamuang khou siangdu siangdanmei, saramhmei khatni kadungmei rui padik ge; kamei hei karangmei simei lat sa khang rouh mak ge. 8Rihhou rui ranghbang ranghbang khou nchuanna khuai makmeinun ta suluaimei kum, kamei rui ramh ngam lakmei suanmeinun ta nrikna bam e. 9Kamangliangpui kumna kamei dupna nchuan bam e. Kamei lungsimei ta nrik bam e; kamei rui kaniu ta kaphah khourui nimna zai tat the. 10Mei nzimeinun banh khou keiloumei sansimeinun ta tei kaniu rui niak puat paruatlou the. 11“Hei kummei tei Ragwang amuh kanmei tuang di the, kamei kamik tanguihna hou ni tuang hamh e.” tuna meisimei rui kakhanh e. 12He RINGHPOU, meisimeinun ta tei dandi tilou o! Rianra bammeinun ta tei ningtoulou o! 13Akumna meisimei rui Ragwang ta ramhsak makna “Kamei ata dandi ti ni tuang hamh e” tuna kakhanh bam tu cho? 14Tiki nang thu hou e; rianra-rianriu bammei ta tei nang thailou e kumna nkhalou khang chamdan bam e. Ngangbam makpuimei tei nang khou nganglou e; nang na hei lungh thui lakmeinun ta nkhaloumeipu kiu e. 15Meisimei khatni katan simeinun pumtan tei riambaulou o; kaniu tuang simei kaguai tei nsak makna phu patlou o. 16RINGHPOU hei tingsangzang khang guangh e. Kumna ra baihmei ta kalummeinun tei katuang kandih khourui aman kan puni. 17He RINGHPOU, niamhmeinun rui huaineimei nang chulou e; nang rui kaniu ta tibauhlou e. 18Rairiu khangmei khatni nrunanun rui kapna huaimei nang chulou e. kandih mansei na rui tiping bam dat mak khang nang rui kaniu khang latzan sulou e.