Dehqonlarning bir yillik mehnati | El Ovozi dasturi

دهقانلرنینگ بیر ییللیک محنتی | اېل آوازی دستوری قیشلاق دېگنده‌، کۉپچیلیگیمیز‌نینگ تصوریمیزده‌ چیرایلی طبیعت، مېوه‌لری پیشیب تورگن باغلر و یم-یشیل اطراف کۉز آلدیمیزگه‌ کېله‌دی. بیراق بو گۉزل طبیعت ایچیده‌ قیشلاق اهالیسی‌نینگ آغیر محنتی و قیین حیات شرایطلری کۉپینچه‌ کۉزدن ییراقده‌ قالماقده‌. بو دستورده بیر باغدن اوزوم یاکه بیر دله‌دن بوغدای آلیب، بازارگه‌ ترقه‌تیش اوچون دهقانلر قنچه‌لیک آغیر محنت قیلیشینی کۉرسه‌ته‌میز. دهقان‌نینگ بیر ییللیک محنتی، امیدی و حاصلی طبيعي آفتلر طفیلی بیر لحظه‌ده‌ یۉق بۉلیب کېتیشی ممکن. قورغاقچیلیک، سېل، طوفان و باشقه‌ طبيعي آفتلر سۉنگگی ییللرده‌ قیشلاق اهالیسی و دهقانلر حیاتیگه‌ جدّي تأثیر کۉرسه‌تماقده‌. بو دستور آرقه‌لی قیشلاق دهقانلری‌نینگ آغیر محنتی، اولر‌نینگ امید و آرزولری همده‌ طبيعي آفتلرگه‌ قرشی کوره‌شینی یقیندن کۉریشینگیز ممکن. Dehqonlarning bir yillik mehnati | El Ovozi dasturi Qishloq deganda, ko‘pchiligimizning tasavvurimizda chiroyli tabiat, mevalari pishib turgan bog‘lar va yam-yashil atrof ko‘z oldimizga keladi. Biroq bu go‘zal tabiat ichida qishloq aholisining og‘ir mehnati va qiyin hayot sharoitlari ko‘pincha ko‘zdan yiroqda qolmoqda. Bu dasturda bir bog‘dan uzum yoki bir daladan bug‘doy olib, bozorga tarqatish uchun dehqonlar qanchalik og‘ir mehnat qilishini ko‘rsatamiz. Dehqonning bir yillik mehnati, umidi va hosili tabiiy ofatlar tufayli bir lahzada yo‘q bo‘lib ketishi mumkin. Qurg‘oqchilik, sel, to‘fon va boshqa tabiiy ofatlar so‘nggi yillarda qishloq aholisi va dehqonlar hayotiga jiddiy ta’sir ko‘rsatmoqda. Bu dastur orqali qishloq dehqonlarining og‘ir mehnati, ularning umid va orzulari hamda tabiiy ofatlarga qarshi kurashini yaqindan ko‘rishingiz mumkin.