احزاب الشيطان | الرادود سيف السنجري محرم 1448 هـ

قصيده كعدية للواقع الذي نعيشهُ / محرم ١٤٤٨هـ نشكيلك منهم يحسين احزاب الشيطان مو احزاب الحق والدين. احزاب الشيطان بالمظهر خدعونه. بالواقع باگونه. احزاب الشيطان ٠٠٠٠٠٠٠٠٠٠٠٠٠٠ جينه نشكيلك وضعنه. سيدي يبن الزجيه وطن بس جروح ينزف. راحه ما بي بس اذيه ماكو واحد يشفي جرحه. والشعب صاير ضحيه كلمن يجي لكرسي الحكُم يتغيّر ويبدي الظلم والعلّه وصلت للعظم. وگمنه نتمنّه المنيه يحسين الغشك ملعون. بالمحشر خسران اليفلت من حكم القانون. بالمحشر خسران بالدين الحكمونه. بالواقع باگونه. احزاب الشيطان ٠٠٠٠٠٠٠٠٠٠٠٠٠٠ گبل لا يصعد تشوفه. خيّر وميعوف ناسه ما يضل ذاك النعرفه. ينكر ويهتز اساسه بسرعه يتغيّر علينه. لو وصل كرسي الرئاسه ميشوف بعيونه بعد ومتهمّه أوضاع البلد وعن منظر الناس ابتعد. بالقصور وبالحراسه خل يسمع هذا المغرور. ميدوم السلطان دنيا ولابد ضده ادّور. ميدوم السلطان كلهم ما خدمونه. بالواقع باگونه. احزاب الشيطان ٠٠٠٠٠٠٠٠٠٠٠٠٠٠ لزموا السلطة بأديهم. وزعوا كل المناصب كل حزب جاب اليخدمه. بس ينفّذ ما يحاسب جان حافي هسه يملك. قصور وموال ومراتب واحدهم يجمّع ذهب ميّفكّر بحال الشعب من دون جهد ولا تعب. جمّع اموال ومكاسب يتستّر بسمك يحسين. بس كشخه وعنوان بالواقع فاسد مو زين. بس كشخه وعنوان من عدنه وغشّونه. بالواقع باگونه. احزاب الشيطان ٠٠٠٠٠٠٠٠٠٠٠٠٠٠ خير ما شفنه بحكمهم. ما يحلّون المشاكل وزادت النسبه بشعبنه. فقره وايتام وارامل لازم نبيّن فشلهم. لياوكت نبقى نجامل خير البلد ما ينحسب بس للحزب وهل الحزب وعن الشعب خل ينحجب. المهم يرضه المقابل شبعانه فلوس الاحزاب. ميهمها الجوعان املاك وبالبنك احساب. ميهمها الجوعان نصدّگهم خلّونه. بالواقع باگونه. احزاب الشيطان ٠٠٠٠٠٠٠٠٠٠٠٠٠٠ السبب مو كلّه بيهم. بالشعب والينتخبهم ندري بالأحزاب فشلوا. ليش رجّعنه فشلهم ناس من اجل المصالح. ناس لا اكثر تحبهم والينتخب اهل الفشل لا يحچي عن سوء العمل كل اللذي صار وحصل. مشترك هو بذنبهم بعض الناس تذلّ تريد. تتبع حزب فلان نحچي وياهم بس ميفيد. تتبع حزب فلان ونگلهم اذّونه. بالواقع باگونه. احزاب الشيطان ٠٠٠٠٠٠٠٠٠٠٠٠٠٠ رفضت الاحزاب كلها. وقاطعتها المرجعية المجرب لا يجرّب. گالت وأكدت هية الناس ما سمعت حچيها. وخالفت امر الوصية شگد نصحت شگد انذرت امن الفاسد شگد حذّرت للناس بس ما غيّرت. باعت الناس القضية شگد صرّح مرجعنه وگال. انتخبوا الشجعان عوفوا السيّئ والمحتال. انتخبوا الشجعان نتقدم وعدونه. بالواقع باگونه. احزاب الشيطان سيد زيد الفحام ٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠