شتاگيتلك//القصيدة بالوصف تفاعلكم و#اشتراك_بالقناة

شتاگيتلك آه يالرحت من بيـــــــــــــن اديه لصـوتك وحنـــــيتك وخوفـك علـــــــــيه كلشي بيه اشـتاكلك بويه حيل اعــتازلك ☆☆☆♧☆☆☆ تذكرت كعداتنه والروح ونــّت تريد واليها يجـيها اليوم حنت بنيتك بعدك يبويه حيل تعبت يابعد حيل البــــنيه كلي هم ترجع عليه ☆☆☆♧☆☆☆ بويه هم ترجع ونكعد انا وياك حيل مشتاك الدليل لذاك ملكاك لو صحت باسمي يــــــــبويه كبل محــــــــــــــــــــــــــلاك نايم وعايفني اونن وانت تدريني احنن ☆☆☆♧☆☆☆ وحشه صار البــــيت يا راعيه ردله فركتك صعبه يبـــــويه موش سهله العمر بعدك ما اضن يالراحت يحله شعجب ما رداك وني تردلي لو زعلان منـي ☆☆☆♧☆☆☆ لصــــــــــــــــــوتك شتاڪيت ولضحكاتك هــــــــــــــــــواي صارلك ايام كاطع ليـش وياي كلشـي بيه اشــــــــــــــتاكلك يالشوفتـك مــــــــــــــــــــاي احنن لذيج اللــــــــيالي ويبقى بويه الدمع هالي ☆☆☆♧☆☆☆ نمت انت بالكبـــر وسفه وهضيمه صار اسمي من رحت بويه يتيمه البنـــــيه بلا ابو ماعدها خيمه خيمتي اندفنت بالتراب واني كلبي صار عطـاب ☆☆☆♧☆☆☆ تمت بعون الله الكاتبة: انوار حسن إداء: ام جعفر الجيزاني تفاعلكم واشتراك .. جزاكـم الله خير غير مبري الذمه لا تحذفون اسمي ولا اسم الملاية من القصيدة، وإذا تنشروها رجاءً حطّوا رابط قناتي بالوصف حتى يوصل المصدر الأصلي. جزاكم الله خير. 🌿 واتس https://whatsapp.com/channel/0029VbCrhna7d... تيك توك tiktok.com/@ertolq_88