北海道二世古Snowboard 初體驗🏂究竟2日學唔學得識？二世古住宿中伏？‪@LoveCath‬

北海道二世古Snowboard 初體驗🏂 究竟兩日學唔學得識？ 二世古住宿中伏？ 終於可以去到夢寐以求嘅北海道🥰 今次除咗慶祝10週年 仲為咗去學滑雪🥰 我哋12月25日到步，住咗兩日溫泉♨️酒店 第二日就一早揸1.5小時去二世古 我同老公都喺第一次接觸Snowboard 從未試過嘅情況吓一定要請教練教吓基本功 我哋上網預約咗個教練 同租咗滑雪用品，填定咗資料，例如身高體重等等 仲預先喺香港俾咗部分錢 一到步我哋就衝去Rhythm 租滑雪用品先 初嚟甫到唔知點做，原來要搵部機登記再印張單出嚟，之後就去試衫 今次第一次接觸，所以我哋無自己嘅裝備 要租滑雪衫、雪褲、Snowboard、雪鞋同頭盔 我地只自備咗防水手套、雪襪、雪鏡同頸圍巾 講吓對雪襪，一定要買對包小腿嘅長度 用嚟保護你嘅小腿同雪鞋嘅磨擦 防水手套最後點都會濕 除非你唔會跌、唔會出汗 雪鏡喺北海道長期落緊雪還好 但如果有太陽就要買副更強防紫外線嘅雪鏡 我哋副雪鏡一個日本買，一個淘寶買 有太陽嘅情況底下，呢兩副都唔係好夠擋 下次會買副好啲嘅 而老公嘅雪鏡喺特別俾戴眼鏡嘅人士專用 可以成副眼鏡戴埋入雪鏡，好方便 至於雪褲、滑雪外套，下集我哋會自己買 到時再同大家分享🥰 今集我哋租嘅，職員會根據你之前填嘅資料 俾衫褲你試，我好怕凍，所以我入面喺仲有條褲 衫都著好多，北海道嘅一月，唔喺講笑嘅凍 勁鍾意佢個衣櫃，一格格好方便 職員輕輕鬆鬆就準備好俾我哋 仲會提供埋袋俾我哋裝嘢走 Snowboard 第一次玩就租咗 Adult Standard 原來好鬼重，我連單腳舉起都舉唔到 後尾教練講先知道原來租 Premium 會輕身啲 Rhythm 嘅服務真喺好好，9成以英文溝通為主 一條龍服務，快、靚、正 仲可以前一晚拎走滑雪用品，第二日滑先計日租 還都好方便，可以放喺酒店，佢哋搵人嚟收 搞掂晒，竟然有成4袋嘢再加兩塊板 都咪話唔重 我哋拿拿林去 Lawson 醫肚就去搵教練 我哋好好彩，今日天氣好好， 好清楚睇到成個羊蹄山 第一日我哋去Hirafu 學基本功先 終於見到教練，竟然喺香港人，正！廣東話！ 我仲擔心會聽唔明添！😂 仲要喺小鮮肉🤣🤣 佢就係我哋請嘅教練，雪浪嘅 Mark 教練好細心先檢查我哋對鞋有冇著好 教我哋點扣好對鞋，著好對襪， 再教我哋上板 第一次玩真係超級極度驚慌 基本上塊板一郁就驚，喺咁驚到標汗 長期衝去教練度🤣捉到佢實一實 勁驚撞到人，又勁驚衝落山 不過呢位教練真喺俾好大安全感我 無論我衝去邊，佢都一定會衝過嚟接實我 第一日，我完全無跌過咁制 呢位超級暖男小鮮肉教練🤣（名好長） 完完全全咁保護到我免受傷害 由於我實在太驚，單腳上板都嚇到伊娃鬼叫😂 教練都俾我嚇親🤣 睇返啲片原來好慢速，我都驚成咁🤣🤣 我學咗陣休息吓，教練就去教老公 老公好快就Pick Up到，好羨慕！ 第一次玩唔識用力，著完鞋都已經用咗好多體力 真係超級累呀！ 第一次玩Snowboard 第一日真心累 第三日都未學識時真喺好想放棄 體力已經耗盡 自己一個人唔敢滑，就坐埋一邊自拍吓！ 第一日滑完成個人散晒 之後除晒裝備就去Check In 喺！我哋因為趕住滑雪，喺未拎房嘅！ 我哋今次住 The Fresh Water 喺Apartment 嚟 去到樓下完全唔知點入去 後尾好彩等到有人返嚟，就問佢係邊度check-in 原來要去THEMAPLES NISEKO😢 好彩有租車啫，否則拎住咁多嘢搵路就大獲 入咗房之後發覺同上網睇有啲落差 現實環境間房細好多 不過都開到行李箱嘅 今次住宿真係有啲伏伏地嘅感覺 沖涼位置細到每次郁都撞親 如果你想調好啱自己嘅溫度先沖涼 廁所喺會水浸，因為佢唔能夠開住門去調 閂咗門調你就會照頭淋 拎洗頭水個陣仲大獲 每次按出嚟都俾頭頂嘅花灑🚿沖走晒 支洗頭水同沐浴露大大支夾實喺個架度 完全拎唔到出嚟，所以好痛苦😣 一邊按、再沖走、再按、再沖走..... 未試過沖涼咁痛苦😢 不過呢間Apartment 都有個優點 就係非常之近Lawson 同租雪具嘅地方 個晚可能因為我無買頭套，吹咗成日風，相當頭痛。本來都想喺二世古度搵餐廳食，點知原來間間都要預約，最後就Lawson買嘢返酒店食。 Lawson 都大排長龍，相信好多人都係搵唔到餐廳 即刻嚟買嘢食。 第二朝我哋早少少起身喺附近同雪場影吓相 好好彩一去到就撞到對香港情侶 我哋互相幫大家影咗啲合照 仲交換埋IG 做個朋友仔🥰 佢地好可憐受到當時機制影響 當時日本突然禁止有機到北海道 佢地驚返唔到香港即刻改機票提早返 因為遲咗就要轉機落東京先走到 陰公豬 我哋Book咗教練兩日 第二日教練帶我哋去第二個場Hanazono Niseko 可以坐Gondola纜車上山。 由於我仲未學識，教練帶我落山， 竟然用咗一個鐘😂😂😂 教練真係相當有耐性，超級暖男 同佢一齊完全唔驚，知道佢一定會救我 今次我有放膽少少自己試 所以都有不停跌，教練一開始已經教咗要識得跌 如果唔係好容易整親啲手手腳腳 教練Mark 真係好好 好主動幫我影咗好多相同拍咗好多片 我冇要求過佢幫我影任何嘢㗎 好開心，佢主動幫我影咗好多片同相 先有咁多開心回憶 仲成日會幫我拎滑雪板，等我可以保留多啲體力 真係唔讚佢暖男都唔得🥰 雖然我每次跌低，佢都會衝過嚟影低佢🤣🤣 但咁先真實😂 每次睇返都好開心！ 二世古嘅雪真喺好靚，跌落地都唔痛 全部都係雪粉，乾身唔濕身 而且日日都Keep住落雪，日日都有新雪 滑嘅時候都特別爽 我落咗山之後教練就去搵我老公 我就喺山下嘅餐廳休息吓 入黑後超級大雪😂 雪場有顆超大聖誕樹，好有氣氛 當時喺2022年12月28日 講返個教練費用 這兩天喺旺季，所以有附加費用 大家可以參考2022/2023 價目表 如果想搵我個教練，歡迎留言話我知 靜雞雞話俾大家知，教練除咗喺暖男小鮮肉 仲幾靚仔添（我老公講㗎）😂 夜晚我哋約咗日本朋友Hiroto， 佢嚟酒店接我哋去佢度食飯 佢地都喺嚟滑雪嘅，但佢地喺滑雪高手 會參加比賽個種高手 所以唔會一齊滑雪🤣🤣 佢地租個間屋超級靚呀 Country Resort Niseko 我懷疑屋住係香港人 喺屋入面搵到㗎香港小巴模型擺設😂 呢位日本朋友Hiroto博學多材 除咗喺滑雪高手，仲喺一位攝影師，同廚藝高手 鍾意煮意大利菜 今晚親自下廚煮俾大家食 個個食到津津有味 以下喺佢嘅菜單，佢地知我鍾意食蟹 專登一早去買食材，真喺好感動🥺 Dish1. たことクレソンのサラダ Octopus and watercress salad Dish2-3. アクアパッツァ Aquapazza Dish4. 毛蟹のパスタ Pasta with hairy crab Dish5. 和牛のロースト Roasted Wagyu beef 食完飯飲返兩杯傾到唔捨得走 同場仲有幾位日本朋友 又喺廚藝高手，鍾意煮中國菜 佢地熱愛香港嘅臘腸😂 佢哋曾經喺中國工作，說得一口流利國語，超勁 所以當晚喺以英文同國語傾咗成晚 傾到唔捨得走 真喺好享受同唔同國家嘅朋友交流 認識唔同國家嘅生活文化 不過第二日我哋要早出車趕去十勝嘅溫泉酒店 都喺要Say Good Bye 下一集再同大家介紹溫泉酒店🥰 三個月後，我哋會再去東京白馬滑雪 大家記得留意我個頻道啦！ #myyearonyoutube2023