Shekinin Shirinbulaq kendinde shehidlerin xatiresi ebedileshdirildi

Abone OL: https://goo.gl/W99fFm Copyright © ARB Şəki Sayt: https://goo.gl/NfKDu5 Facebook: https://goo.gl/XVhVzG #Şəki #şəhidbulağı #Kənanİsrafilov Şəkinin Şirinbulaq kəndində Vətən müharibəsi şəhidi “Murov qartalı” Kənan İsrafilovun xatirəsini yaşatmaq üçün şəhid bulağı kompleksi istifadəyə verilib. Açılış mərasimində Şəki rayon icra hakimiyyətinin, Səfərbərlik və Hərbi Xidmətə Çağırış üzrə Dövlət Xidmətinin əməkdaşları, qazilər, şəhid ailələri, kənd sakinləri iştirak edib. Çıxış edənlər ötən ilin sentyabrında başlayan 44 günlük müharibədə qazanılan zəfərin əhəmiyyətindən, vətən oğullarının qəhrəmanlıqları və şücaətlərindən söz açıblar. “Ya tarix yazacağıq, ya tarix olacağıq” deyərək döyüşə yollanan kapitan Kənan İsrafilovun şanlı döyüş yolundan danışılıb. Bulaq kompleksində Şirinbulaq və ətraf kəndlərdən olan, Vətən müharibəsində şücaət göstərərək şəhidlik zirvəsinə yüksələn daha 6 qəhrəmanın da xatirələri əbədiləşdirilib. Açılışın ardından şəhidlərə ehtiram əlaməti olaraq abidənin önünə gül dəstələri, çələnglər qoyulub. Məktəblilər vətənpərvərlik ruhunda şeirlər söyləyiblər.