დაძაბულობა ვაშინგტონსა და კიევს შორის

მზარდი დაძაბულობა ვაშინგტონსა და კიევს შორის. ორივე მხრიდან რიტორიკა, შერბილების ნაცვლად, სულ უფრო მკაცრდება. უკრაინის პრეზიდენტი აშშ მიდგომების და პოზიციონირების გამო უკმაყოფილებას არ მალავს. შეიარაღების მიწოდების შეფერხება, თავდასხმებზე წინასწარ არ გაფრთხილება, შეზღუდვები დაზვერვის ინფორმაციის გაზიარებაზე, რუსული დიზელის მიწოდებაზე სანქციების დროებით მოხსნა - ასეთია ზელენსკის პრეტენზიები ამერიკის მიმართ. უკრაინის პირველი პირი ვარაუდობს, რომ მიღებულია უკრაინის მხარდაჭერის შენელების პოლიტიკური გადაწყვეტილება. ენერგეტიკული ზავი არ სრულდება: აშშ-ის მოთხოვნის შესასრულებლად და რუსეთის ენერგოობიექტებზე საპასუხო დარტყმების შესაწყვეტად ზელენსკი კონკრეტულ პირობებს აწესებს. ამერიკა-უკრაინას შორის დაძაბული ურთიერთობის ფონზე აშშ-ის მიმართ ტონს ამკაცრებს ევროკავშირიც, რომელიც ომის დასასრულებლად მოლაპარაკებათა მაგიდასთან ყოფნას ითხოვს. იქნება თუ არა გაჭიანურებულ და უშედეგო მოლაპარაკებებში პროგრესი - ამჯერად ყურადღების ცენტრში ნორვეგიაა, სადაც უკრაინის პრეზიდენტი დონალდ ტრამპის წარმომადგენლებს ხვდება.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.