打鼓嶺摩囉樓井底藏屍情殺案中案【阿媽,有詭! 港案記事簿 EP34】堂姊弟背夫同居再納妾?老公去賭妻妾在家齊勾佬?關係有幾亂?｜香港案件陳述

香港案件陳述 打鼓嶺摩囉樓井底藏屍情殺案中案 堂姊弟背夫同居再納妾? 老公去賭妻妾在家齊勾佬?關係有幾亂? 1968年8月23號，新界打鼓嶺摩囉樓發生駭人藏屍命案，隱藏足夠半年的謀殺真相，終於徹底曝光。當日有兩名婦人，冒着九號風球，專程去到打鼓嶺警署投案報案，聲稱自己嘅丈夫由當年二月開始離奇失蹤，失蹤多個月音訊全無。 呢兩名婦人，就係今次命案死者羅財全嘅正室同妾侍。其實早喺四個月前，佢哋已經曾經報過丈夫失蹤，但當時一直隱瞞真相、語焉不詳，導致警方調查毫無進展，件事就一直擺喺度。直至今次，關鍵突破口出現：一直喺羅家農場打工、形同屋內主人嘅一名羅姓伙計，突然毫無預警神秘失蹤。 個伙計失蹤之後，兩名婦人終於心驚膽怯，再加埋鄉里同鄉不斷鼓勵，先至敢講出隱藏半年嘅秘密，正式向警方坦白丈夫極有可能已經遇害，並且帶領警隊前往藏屍地點。 接報之後，新界偵探部隨即出動，由偵緝總探長黃國樑帶隊，聯同高級探員黃木、探員廖杜棠、李和、關球等人，即刻趕去打鼓嶺摩囉樓附近、夾窄界橋前嘅一個農用枯井展開搜索。 呢一口古井本身已經乾涸多時，平時長期荒廢，無人理會。但因為近期颱風襲港，落咗連場大雨，成個古井被雨水淹浸，泥土鬆軟。警隊人員先將井內積水全部抽走，再慢慢挖開井底淤泥，好快就有驚人發現... 港案章節: 00:00 前言 01:56 井底藏屍 心底藏秘 06:33 殺人埋屍 滿月起疑 12:22 離奇中毒 一死一迷 16:02 兩案死者 兇徒身份 18:28 兇手潛逃 跨年追輯