«Аруақтар тыныш жату керек»

Ақтөбе іргесіндегі тұтас бір елдімекен халқы зират аумағын кеңейтуге қарсы шықты. Себебі, тұрғындар қорым үйлерге онсызда тым жақындап барады дейді. Ашынған жұрт жауаптылардың бұл шешімі санитарлық талапқа сай келмейтінін айтады. Керісінше, моланың орнына бос жер теліміне әлеуметтік нысан салып бергенін қалайды. Жаңа қорым үшін жер телімі бөлінеді деген жаңалықты естігелі жұрттан маза қашқан. Себебі, елдімекен іргесінде зират бар. Енді оның аумағы тағы ұлғайса қорым ауылға тіреледі деп алаңдайды. МАРАТ БАЙҒУАНОВ, Ақжар-2 елдімекенінің тұрғыны Мына жерде водокачка бар, су бар. Санитарлық-эпидемиологиялық рұқсат болу керек. Бір жағынан халыққа бұл жерде біздер ойын алаңы түсетін болуы мүмкін. Футбол площадкасы түсуі мүмкін. ЕЛУБАЙ ҚАРАБЕКОВ, Ақжар-2 елдімекенінің тұрғыны Аруақтар тыныш жату керек. Ертең мына жан-жақтың бәрі қысып жатыр. Мынаның ар жағында қазір бүкіл қаланың несі зираты жатыр. Жастардың деген мына жерде уақыт өткізетін орны жоқ, көшеде жүреді. Тұрғындар моланың ауылға тым жақын орналасуы санитарлық талапқа да сай емес деп отыр. Олар марқұмдарды жерлеуге қарсы емес, бірақ орын дұрыс таңдалуы керек деп есептейді. ЖАМАЛ ТӨЛЕУБАЕВА, Ақжар-2 елдімекенінің тұрғыны Тірілердің қаласы болып жатса олар ертең өлілердің қаласы болып мына жерде шығады. Қазір халық қандай қылып салады? Үйден кем қылмай салады. Сондықтан бізге керек емес. Ал даулы мәселеге қатысты қалалық зират басшылығы тұрғындардың алаңдауына негіз жоқ деп сендірді. АНУАР ҚОЖАНОВ, Ақтөбе қалалық зираттың басшысы: Ақжар-2 тұрғын алабы жағынан қосымша кіреберіс жасалып, белгі орнатылған. Бұл тұрғындардың зиратқа кедергісіз қатынауы үшін ғана қарастырылған. Тұрғын үйлер мен зираттың арақашықтығы 700 метрден асады. Зираттың жалпы аумағы шамамен 140 гектарды құрайды. Қазіргі уақытта оның 65–70 гектарында жерлеу рәсімдері жүргізілген, ал қалған бөлігі бос жатыр. Ақжар-2 елдімекенінде 15 мыңға жуық халық бар. Бұл жауапқа көңілі толмаған халық қорымға арналған орынның заңдылығы мен қауіпсіздігі жан-жақты тексерілгенін талап етіп отыр. #Информбюро #31арна #БастыЖаңалықтар #Новости #31канал