“YAY ARZULARI” adlı yaradıcılıq sərgisinin birinci hissəsi

“YAY ARZULARI” adlı YARADICILIQ SƏRGİSİNİN BİRİNCİ HİSSƏSİ 8-12 YAŞ ARASI UŞAQLARLA BAŞ TUTDU Böyüyən gəncliyin təbiət ilə təmasa sövq etmək, fərqli fəsillərdə təbiətin əsrarəngliyinini göstərmək və mühafizəsinə həvəsləndirmək məqsədi ilə TƏBİƏTLƏ TƏMASDA OL, ƏSRARƏNGİZLİYİ TƏSVİR ET! layihəsi çərçivəsində növbəti - “YAY ARZULARI” adlı yaradıcılıq sərgisinin birinci hissəsi-27 oktyabr saat 12:00-da 8-12 yaş arası uşaqlarla Xətai Sənət Mərkəzində açıldı. Sərgini giriş sözü ilə Azərbaycan Dövlət Rəsm Qalereyasının şöbə müdiri Elçin Hüseyn açaraq sərgi iştirakçılarını salamladı. Söz alan Azərbaycan Rəssamlar İttifaqının sədr müavin, professor Ağəli İbrahimov, Xətai Sənət Mərkəzinin direktoru Zahid Əvəzov öz ürək sözlərini bölüşdülər. Sərgi sertfikatların təqdim olunması ilə davam etdi. Mövzusu yay fəslinin yaratdığı əhval-ruhiyyə, ətrafımdaki yay mənzərəsi, yayda təbiətin rəngləri, yay xəyallarım və xəyalımda qalan yay səhnəsi olan sərgiyə 8-21 yaş arası 900-dən çox yerli və əcnəbi iştirakçı 1300-ə yaxın əsər təqdim etmişdir. Seçimlər mövzu və ölçü nəzərə alınmaqla aparılmış və bir çox iştirakçının 2 və ya daha çöx əsərinin seçilməsinə baxmayaraq, hər müəllifdən bir əsər prinsipi ilə 600-dən çox müəllif sərgidə iştirak etmək hüququ qazanmışdır. Tədbirdə eyni şərtlərlə Moldovadan 33, Türkiyədən 25, Serbiyadan 14, Xorvatiyadan 13, Rusiyada 8, Belarusiyadan 3, Tayvandan 3, İrandan 2, Bolqarstandan 2 müəllif iştirak edir və əsərləri kataloqda yer alır. Əsəri katoloqda yer alan əcnəbi iştirakçıya online sertfikat təqdim olunacaq. Sərginin kataloqu: https://online.fliphtml5.com/udgyq/ttjj/ Nəzərinizə çatdıraq ki, sərgi Azərbaycan Rəssamlar İttifaqı, Azərbaycan Dövlət Rəsm Qalereyası,Xətai Uşaq SənətiQalereyası, Xətai Sənət Mərkəzinin təşkilatçılığı , həmçinin, Azərbaycan Rəssamlıq Akademiyası, Azərbaycan Televiziya və Radio Verilişləri QSC-i, Xətai rayon İcra Hakimiyyəti və Naxçıvan Muxtar Respublikası Rəssamlar Birliyinin dəstəyi ilə kecirilir və sərgidə iştirak ödənişsizdir. Layihənin təbiətin qorunmasına, həmçinin, gəncliyin təbiətlə təmasına tövhə verəcəyinə inanırıq!