Շուշին եղել է Անդրկովկասի՝ մեծությամբ և իշխանությամբ երրորդ քաղաքը. Արտակ Մաղալյան

Գևորգ Էմին-Տերյանի հեղինակային «Բաստիոն» հաղորդաշարի տաղավարում հյուրընկալվել է Պատմության ինստիտուտի, Մատենադարանի ավագ գիտաշխատող, պատմագիտության թեկնածու Արտակ Մաղալյանը: Պատմաբանը խոսել է Արցախի Խամսայի մելիքությունների, դրանց ծագման, անվան նշանակության, կառուցվածքի, կառավարման առանձնահատկությունների, տարածված պատժատեսակների, մելիքների փոխհարաբերությունների, Խորհրդային Հայաստանում թեմայի ոչ բավարար ուսումնասիրության, Դավիթ Բեկի ապստամբության մասին: Արտակ Մաղալյանը մանրամասներ է ներկայացրել Փանահ խանի՝ մելիք Շահնազարի աջակցությամբ Շուշիում հաստատվելու ուշագրավ պատմությունից և մյուս մելիքների դեմ սկսված պատերազմից: «Այստեղ մենք գործ ունենք քաղաքական սիմբիոզի վառ օրինակի հետ: Փաստորեն մելիք Շահնազարը Փանահ խանի գալուց հետո կարողանում է ազատվել մելիքների անխուսափելի վրիժառությունից, որովհետև չորսով վաղ թե ուշ նրան հաղթելու էին: Իսկ Փանահ խանն էլ կարողանում է հաստատվել Շուշիում, և իմ կարծիքով՝ Դաշտային Ղարաբաղում նրա իշխանությունը երկար կյանք չուներ»,- ասում է պատմաբանը: Ըստ Մաղալյանի՝ այս սիմբիոզի հետևանքով մենք ունենում ենք առաջին ոչ հայկական իշխանությունը Արցախի տարածքում, Արցախի մելիքությունների իշխանապետությունը խարխլվում է, և մենք ստանում ենք մեր հայկական հողի վրա առաջին այլացեղ և այլակրոն պետական կազմավորումը՝ ի դեմս Ղարաբաղի խանության՝ իր երեք խաներով: Մանրամասները՝ https://oragir.news/hy/material/2026/... Oragir.News-ին կարող եք հետևել նաև. Telegram - https://t.me/oragir_news Facebook -   / oragir1   Facebook -   / oragir.am   Instagram -   / oragir.news   Tiktok -   / oragir.news