أقوى شرح المتجهات في الفراغ | الحصة التانية هندسة فراغية للصف الثالث الثانوي 2027 | مع السير الشامي

#السير_الشامي #المتجهات_في_الفراغ #هندسة_فراغية #ثالثة_ثانوي #رياضيات_ثالثة_ثانوي #ثانوية_عامة_2027 #رياضيات السير الشامي مدرس رياضيات .. يشتق ، يكامل ويجيب الصادات من أي سينات أهلاً بيكم في قناة السير محمود الشامي، المكان المخصص لكل طالب ثانوية عامة بيدور على التفوق في مادة الرياضيات لتالتة ثانوي 2026. السير الشامي هيقدملك شرح كامل وتأسيس في كل فروع مادة الرياضيات لتالتة ثانوي 2026 ، بأسلوب بيجمع بين الفهم والتدريب الكتيرعلى نظام الثانوية العامة الجديد الحصة التانية من الهندسة الفراغية للصف الثالث الثانوي، وهنبدأ فيها حدوته جديدة ومهمة جدًا وهي المتجهات في الفراغ. المتجهات من الأجزاء الأساسية في الهندسة الفراغية، والمهم فيها إنك متتعاملش معاها على إنها قوانين وخطوات تحفظها وخلاص. عشان كده في المحاضرة دي السير الشامي بيبدأ شرح المتجهات في الفراغ تالته ثانوي من البداية تمامًا، حتى لو نسيت اللي أخدته عن المتجهات في أولى ثانوي. هنبدأ الأول من مفهوم القطعة المستقيمة الموجهة، وإزاي إضافة الاتجاه للقطعة المستقيمة وصلتنا لمفهوم المتجه، وإيه الفرق بين القطعة المستقيمة والشعاع والخط المستقيم والمتجه. بعد كده هننقل نفس الفكرة للنظام الإحداثي المتعامد في ثلاثة أبعاد ونبدأ نتعامل مع المتجه داخل الفراغ. بعدها هنتعرف على متجه الموضع، وإزاي أي نقطة في الفراغ ليها متجه موضع بدايته نقطة الأصل ونهايته النقطة نفسها، وإزاي نعبر عن المتجه باستخدام مركباته في اتجاه محاور السينات والصادات والعينات. وهنا هنربط بين إحداثيات النقطة ومركبات متجه الموضع بطريقة تخليك فاهم أصل الفكرة مش حافظها. كمان هنشرح معيار المتجه وإزاي نحسب طول المتجه باستخدام مركباته، وعلاقته بقانون البعد بين نقطتين اللي اتشرح في الحصة الأولى من الهندسة الفراغية. وهتعرف إمتى المعيار يعبر عن طول أو مقدار كمية فيزيائية حسب استخدام المتجه. بعد كده ندخل على العمليات الجبرية على المتجهات: جمع متجهين، طرح متجهين، ضرب المتجه في عدد حقيقي، والخواص المهمة للعمليات دي زي الإبدال والتجميع والعنصر المحايد والمعكوس الجمعي والمتجه الصفري. ومش هنقف عند الجانب الجبري بس، لكن هنستخدم المتجهات في التعبير عن علاقات هندسية مهمة جدًا، زي قاعدة شال أو قاعدة إغلاق المثلث، قاعدة متوازي الأضلاع، وقاعدة المتوسط في المثلث، وهي قواعد هتحتاجها قدام في أجزاء تانية من الهندسة الفراغية والاستاتيكا. ومن الأجزاء المهمة جدًا في شرح المتجهات في الفراغ ثالثة ثانوي كمان موضوع متجه الوحدة، وإزاي نحصل على متجه وحدة في اتجاه متجه معين باستخدام المتجه ومعياره. وفي الجزء الأخير هندخل على زوايا الاتجاه في الفراغ، وهنفهم إن أي متجه في ثلاثة أبعاد بيعمل ثلاث زوايا مع الاتجاهات الموجبة لمحاور السينات والصادات والعينات، وهنعرف العلاقة بين مركبات المتجه ومعياره وجيوب تمام زوايا الاتجاه. كمان هنشرح جيوب تمام الاتجاه وإزاي متجه الوحدة نفسه مرتبط بجيوب تمام الاتجاه، وإزاي لو معاك المتجه تقدر تجيب زوايا الاتجاه، ولو معاك الزوايا والمعيار تقدر ترجع تجيب مركبات المتجه. وفي المحاضرة هنحل أمثلة وتطبيقات على كل جزء عشان تثبت الفكرة، لأن الهدف مش إنك تعرف القانون بس، لكن تبقى فاهم تستخدمه إمتى وليه. المحاضرة مناسبة لأي طالب بيدور على: شرح المتجهات في الفراغ، شرح هندسة فراغية ثالثة ثانوي، شرح المتجهات تالته ثانوي، متجه الموضع، معيار المتجه، مركبات المتجه، متجه الوحدة، جمع وطرح المتجهات، زوايا الاتجاه، جيوب تمام الاتجاه، مسائل المتجهات في الفراغ، ورياضيات ثالثة ثانوي 2027. ولو الحصة الأولى بتاعة النظام الإحداثي المتعامد في ثلاثة أبعاد لسه مش متظبطة عندك، الأفضل تراجعها الأول لأن الهندسة الفراغية مبنية على بعضها، والحصة دي بتكمل مباشرة على اللي اتأسس هناك. ذاكر بالقلم والورقة، وقف الفيديو وجرب تحل الأمثلة بنفسك، ومتكتفيش إنك تتفرج على الحل. لينك السير الشامي على منصة ابواب : https://abwaabegypt.com/instructor/El... رقم الواتساب للاستفسارت والدعم الفني : 01023744443 لينك قناة الواتساب للسير الشامي : https://whatsapp.com/channel/0029Vb7b... ---------------------------------------------------- 00:00 مقدمة الحصة الثانية – المتجهات في الفراغ 04:28 يعني إيه متجه؟ من القطعة المستقيمة للمتجه 14:08 متجه الموضع ومركبات المتجه 27:35 معيار المتجه 33:43 العمليات على المتجهات – الجمع والطرح 39:17 خواص جمع المتجهات والمتجه الصفري 45:38 ضرب المتجه في عدد حقيقي 51:00 تدريبات على العمليات على المتجهات 1:03:50 العلاقات والقواعد الهندسية للمتجهات 1:12:17 قاعدة المتوسط في المثلث 1:34:06 متجه الوحدة Unit Vector 1:40:12 إيجاد متجه الوحدة في اتجاه متجه معلوم 1:45:24 متجهات الوحدة الأساسية 1:49:15 التعبير عن المتجه بدلالة متجهات الوحدة الأساسية 2:07:21 الصورة القطبية وتمهيد لزوايا الاتجاه 2:19:29 زوايا الاتجاه في الفراغ 2:27:42 إيجاد المتجه من المعيار وزوايا الاتجاه 2:32:04 إيجاد زوايا الاتجاه من المتجه 2:33:54 جيوب تمام الاتجاه وعلاقتها بمتجه الوحدة 2:40:12 العلاقة بين جيوب تمام زوايا الاتجاه 2:42:21 الحالات الخاصة لجيوب تمام الاتجاه 2:45:35 ملاحظات مهمة وملخص زوايا الاتجاه