DD News Mizoram Chanchinthar | 31 October 2026 | 6:30 PM

CHANCHINTHAR LANGSAR Local: 1. Chief Minister Pu Lalduhoma chuan Mizo hnam infiamna 'Inchai' chu uar leh chhawm nung zel turin mipuite a chah. 2. Mizoram Higher & Technical Education Minister Dr Vanlalthlana chuan Assam Royal Global University (RGU), Guwahati Convocation vawi 6-na chu khualzahawm niin nimin khan a hmanpui. 3. Chief Secretary Pu Khilli Ram Meena chuan Vigilance Awareness Week pualin tukin khan Vanapa Hall kawtah Walkathon a vai liam. 4. Art & Culture Minister Pu C. Lalsawivunga chuan nimin khan Rayburn College, Indo Myanmar Borderland Institute, Gangpimual, Lamka, Churachandpur-ah IMBI Library & Archives Centre thar a hawng. 5. Environment, Forest & Climate Change Minister leh Aizawl East-I bialtu MLA ni bawk Pu Lalthansanga chuan nimin khan a bial chhung Nausel khuaah Public Library leh Anganwadi Center building thar a hawng. 6. Hunpui vuakveta ruihhlo tawlh leh hmansual hluar thei dona tur beihpui, ‘Operation Jericho 2’ chu nimin khan Mizoram DGP Pu Sharad Agarwal chuan Aizawlah a hawng. 7. Pradhan Mantri Gram Sadak Yojana-IV (PMGSY-IV) hnuaia Mizorama kawng 45 sialna tur Mizoram sorkarin a ruahman chu, sorkar laipui chuan a pawmpui. 8. Ram chhung hmun dangte rualin vawiin khan Mizoram sawrkar pawhin Sardar Vallabhbhai Patel-a pian champhaphak pualin Rashtriya Ekta Diwas (National Unity Day) a hmang. 9. Rashtriya Ekta Diwas (National Unity Day) leh Police Commemoration Day pualin tukin khan Aizawl khawpui chhungah ‘Run for Unity’ buatsaih a ni. National: 1.Vawiin hian India ram pumah zalenna sual kawnga hruaitu ropui Sardar Vallabhbhai Patel piancham vawi 151-na chu hman a ni a, he ni hi ram inpumkhatna ni, 'Rashtriya Ekta Diwas' ti-a vuahin hman a ni. 2.Prime Minister Narendra Modi-an Gujarat-ah hmasawnna hna hrang hrang hawngin, Sardar Vallabhbhai Patel zahna chibai a buk. 3.Sawrkar laipui chuan nakum January ni 25 aṭanga February ni 28 chhungin India ram pumah chhiarpui a neih tur thu a puang. 4.Indian Space Research Organisation (ISRO) chuan India ram navigation satellite system tihhmasawn nan, NVS-03 satellite chu hlawhtling takin a kap chhuak. 5.World Bank report thar ber, October 2026-a tihchhuah 'Poverty & Equity Brief'-ah chuan, India rama rehteih pachhiatna- extreme poverty chu za a 27.1 atangin za a 2.6-ah a tlahniam tih tarlan a ni. 6.Ukraine chhim lama indona hmatawng, Oleshky khua atangin Zirtawpni khan mipui za chuangte chu hmun him lamah thir chhuah an ni. 7.Cyclone Arnab thlipui avanga ruah nasa taka a sur zui zel vangin Odisha leh Andhra Pradesh-ah chhan chhuah leh chhawmdawl hna thawh chhunzawm mek a ni. Follow DD Mizoram:   / ddnewsmizoram     / ddnews_mizoram     / ddnewsmizoram