MENDE ERDIA AURRETIK

Inork ez zien adierazi euskaltzale haiei nondik zen, ezta nola egin ere, baina arian-arian, asmatu zuten bideari ekiten. Harriz harri, mugarriz mugarri, hamarkadaz hamarkada… Auzolan erraldoi haren oinordeko izatearen ardura dugu. Euskararen herriak irauteko duen grinaren katebegi. Badakigu. Aurrekoen ahaleginari esker, helmugak hortxe segitzen du. Ortzimugan. Noiz iritsiko garen esperoan. Ez dira kabitzen lerro hauetan bide horretan egindakoak. Eta mende erdia dugu aurretik euskaltzale kementsu haiek abiatutako bidea osatzeko. Badia osoan euskaraz bizitzeko ametsa betetzeko. Badiako ikastola klandestino haien sorrera urtea 1958 Lezoko ikastola 1960 Antxoko ikastola 1966 San Pedroko ikastola 1966 Trintxerpeko ikastola 1966 Donibaneko ikastola 1976 Pasaia-Lezo Lizeoaren sorrera urtea