'ANG MAMATAY NANG DAHIL SA'YO'

Hindi umano masama ang loob ni Atty. Harold Respicio, Vice Mayor ng Reina Mercedes, Isabela sa kabila ng mga paninira at sunod-sunod na kasong isinampa laban sa kanya. Aniya, ang sambayanang Pilipino ang kanyang ipinaglalaban at handa siyang harapin ang anumang kahinatnan nito. Naging sentro ng kontrobersiya si Respicio matapos mag-viral ang video ng isang sesyon ng Sangguniang Bayan kung saan tinawag niyang “magnanakaw” ang isang barangay captain dahil umano sa maling paggamit ng pondo mula sa tobacco excise tax. Kasunod ng insidente, naharap si Respicio sa sunod-sunod na kaso. Gayunman, iginiit niyang handa niyang harapin ang mga ito dahil para sa kapakanan ng bayan ang kanyang ipinaglalaban.