幫業主買樓 5 年後，佢搵我賣：當初呢間屋買得啱唔啱？

2021 年 3 月，我幫一位業主用 £130,000 買入 Warrington 一間三房 semi。嗰陣我忙緊其他生意，之後就交咗俾另一間 agent 幫佢放租。 5 年後，租客準備搬走，業主傳 WhatsApp 俾我：想搵我哋幫手賣。 返到間屋，我第一件事唔係估可以賣幾錢，而係老實睇清楚佢而家嘅狀況：80 年代嘅廚房、成屋牆紙、chimney breast、boiler 位有漏水痕跡、浴室要成個換。同一條街，已經有兩間三房屋放緊盤，叫價 £19 萬左右，人哋已經執好、有 extension，其中一間已經 Sold STC。 業主要面對一個好實際嘅問題： A｜再落錢、花時間執靚，然後同兩間對手鬥市價 B｜乜都唔搞，留返 margin 俾下一手投資者，平啲賣、搵 cash buyer 快啲成交 業主而家傾向 B，但未落實。 不過呢個故事真正想講嘅係：點解業主今日仲有得揀？ 答案其實喺 2021 年買入嗰日已經決定咗：買入價。買得夠好，再揀一間普通、大眾都會想要嘅三房屋，到賣嘅時候先有自住買家、投資者、cash buyer 幾條出路，唔使俾市場逼住做決定。 我做嘅唔只係幫人買一間屋。買之前，我會計清楚買入價同將來點出；到要賣嘅時候，我會同業主老實計數：每個方案要幾多錢、幾多時間、有咩風險，再由佢自己揀。5 年後業主再搵返我，就係呢份信任。 呢條片： ▪️ 2021 年 £130,000 買入（Land Registry 紀錄） ▪️ 入屋睇真實屋況：chimney breast、牆紙、80 年代廚房、漏水、浴室 ▪️ 執晒大概要幾錢（我現場估算） ▪️ 同街成交同放盤紀錄 ▪️ 我俾業主嘅兩個方案，同埋點解我鍾意買普通三房屋 ▪️ 業主傳俾我嘅 WhatsApp（已遮個人資料） 🏡 想睇我哋最新嘅英國物業 Deals：https://book.beepropertyuk.com/deals?... 0:00 開場 0:36 2021 嘅買入價 1:19 入屋睇狀況 5:54 執晒要幾錢 6:09 同街兩個對手 7:05 兩個方案 7:36 業主點揀 7:51 點解揀普通屋 9:31 想投資英國物業？ 註： ・翻新費用係我現場估算，未有 builder 報價。 ・成交紀錄：Contains HM Land Registry data © Crown copyright 2026（OGL v3.0）；放盤資料：Rightmove，2026-10-22 查閱。放盤價唔係成交價，唔同屋、唔同狀況，只作參考。 ・片中動畫係示意圖。 我係 Louis，喺英國由 Serviced Accommodation 做到 Property Development，呢個頻道會分享我真實嘅英國物業投資、翻新、開發、創業經歷。 我唔會講一夜致富，主要會公開： 真實成本 現金流壓力 refinance 經歷 裝修同開發中伏位 英國創業真故事 香港人喺英國買樓同投資需要注意嘅風險 如果你對英國物業投資、買樓、翻新增值、Property Development 或創業有興趣，記得訂閱。 📌 Disclaimer: 本頻道內容只係個人經驗分享，並不構成財務、投資、稅務或法律建議。每個物業項目都有風險，投資前請自行做資料搜集，並諮詢合資格專業人士。 #英國買樓 #英國物業 #英國物業投資 #英國創業 #香港人英國生活