Bin rozgar manus ki Rani hoti maan badai na. Pt. Chandgiram Sanjarwas #ragni #haryanvisong #new

बिन रुज़गार मनुष्य की रानी होती मान बड़ाई ना भरे ख़ज़ाने रित ज्या धन के जिनके घरा कमाई ना मात पिता न दुश्मन लाग्गैं जिनके पूत कमावे ना चाचे ताऊ नाक चढ़ा ले खुश होके बतलावे ना टोटे के माह मित्तर प्यारे कोए किसे न चाहवे ना गोती नाती सगे सहनोई मिलन फिटण भी आवे ना बिना कमेर पशु के हीणा हो कुनबे म आई ना भाइयों की सूँ पिया मेरा तू जी मुठी में ले रया स ओढ़न पहरन ख़ान पीन न घर में देख भतेरा स मेरे मन की म जानू सू के औरा न बेरा स थारे बिना पिया इस घर म बिल्कुल घोर अंधेरा स पाड पाड खा ढूंड बीर के पास नणंद का भाई ना ज़्यादा खींची रह टूट के भीजे पाछे भारा हो, बुद्धि के कमज़ोर मनुष्य न दुख दुनिया त न्यारा हो, श्याने मानस कह्या करे स हुन्दर गेल गुज़ारा हो, बनी बनी के साथ देनिया कोन किसे का प्यारा हो, दुनिया में कंगाल मनुष्य का आदर करती ब्याही ना सच्चे दिल त दासी बन क टहल करूँ दिन रात पिया मार चाहे पुच्कार मन्ने थारे हाज़िर कर दिया गात पिया दुख म दुख सुख म सुख स धरु बात म बात पिया गये घरा की लड़या करे स बीर मर्द के साथ पिया जो बालम का कह्या उलट दे म उन कैसी लुगाई ना जान गया मैं जान गया तू पतिव्रता नारी स आठ पहर दिन रात उर्वशी तेरा भरोसा भारी स दरबारा म जाना होगा हुक्म सख़्त सरकारी स श्री कृष्ण सतगुरु के दर प चंदगीराम भिखारी स रवि तलक कविया की राही छिपती कहीं छिपायी ना