لطميه: لليلة الوداع بطور الحماسية،، هاي اليله شلون ليله زينب واليهه/مكتوبه بالوصف

#القصيدة من ديوان دمعة سبيه /ج 2 بقلم الشاعرة هديل المياحية هاي ليله شلون ليله زينب اواليهه زينب اتودع بخوهه والهضم عاليهه ـــــــــــــــــــــــــــــــــــــــــــــــــــــــــ اليوم ليله شلون ليله زينب وولياهه بيهه حته النجم يبجي وام وطهر واساهه شلون ليله عالعقيله علهضم مگواهه ريت باجر لا لفاهه ينذبح واليهه// .............. آه ياصبر العقيله من تودع اخوانهه الليل كله ينوح يمهه ضل گمر عدنانهه ماتريد الفجر ينطر بي تضل احزانهه باجر اتصول الاعادي والحرم تسبيهه// ............... باجر تصير العقيله بين نيران وخيم تبچي وتعاين لخوهه شلون من شال العلم يگلهه زينب امني بيه دونج اتموت الزلم يگلهه زينب أنه دونج رگبتي لفديهه// ................ الليله صعبه عالعقيله من تودع الوالي تكله خويه شلون بيه من اضل الحالي باجر أنه عزيز گلبي يذبحونه اگبالي والمثل صبري يشيعه دموعهه تهل بيهه// .............. طول ياليل الهضيمه لا تخلص علينه خل نضل للصبح كلنه نودع بوالينه ريت لايطلع فجرهه ولا يهل علينه من يطر فجر الهضيمه ينذبح واليهه// ............... تبقى ممنونه المله لزينب المهضومه الليله صعبه عالعقيله دموعهه مسجومه باجر اتعاين اهلهه من تضل بالحومه ارد انخيهه العقيله الگلب كثره همومه أنه بس يم العقيله هموم گلبي اشكيهه// ................. تمت