周星馳諷刺世間一切的男人，唯獨不諷刺愛情！古代特工解剖外星人？國產古裝科幻巔峰之作！萬字拆解《大內密探零零發》

皇帝身邊有一隊四個人嘅大內秘密侍衛隊，叫做「保龍一族」，佢哋係世代相傳咁接任，專職保護皇上同埋皇宮一切產業；呢四大侍衛分別係－－－刀槍不入鐵布衫嘅零零恭、腿勁縱橫碎石腳零零喜、拳風虎虎五形拳嘅零零財，同埋乜嘢武功都唔識，剩係識得搞發明嘅零零發。阿發醉心於發明，成日運用智慧發明出好多新奇嘅物件，之但係皇上就唔覺得呢啲係專長，因為智慧唔足以保護佢安全，所以成日都鬧阿發唔長進唔練武；亦因為咁，皇上唔使阿發成日留喺皇宮中，畀佢喺出面做個婦科醫生嚟掩飾，聽候差遣。