ALAN CAYETANO, HINDI PINALAMPAS ANG 'MISLEADING' NA PAMAGAT NG PROSEKUSYON

Pinuna ni Senator-Judge Alan Peter Cayetano ang aniya’y “misleading” na pamagat sa summary na iniharap ng prosekusyon sa impeachment trial ni Vice President Sara Duterte. Ayon kay Cayetano, maaaring makaaapekto sa depensa at kay VP Sara ang maling label, lalo na’t nakikita rin ng publiko ang mga dokumentong ipinapakita sa Senado. Kasunod nito, ipinag-utos ni Presiding Officer Francis Escudero sa prosekusyon na alisin ang naturang pamagat sa charts matapos linawin na hindi lahat ng dokumentong ipinakita ay tumutukoy sa pagmamay-ari ng Bise Presidente.