ကေꩻဇူꩻမွိုးဖါ လိုႏဆပ်ချာ တရာꩻယာႏ ဗွေႏပညာႏလောက ပင်တွန်ႏ

နေင်ႏ - ၁၃၈၄ ဗာႏ၊ ဝါႏဆိုႏလာလောင်း(၄)နီꩻ၊ မွူးနီꩻ - စနေႏ၊ ပအိုဝ်ႏနမ်းပဲင်ႏ ထိန်ꩻထွားခွင်ꩻလꩻဒေႏသ၊ ဝေင်ꩻဟိုပုံꩻ၊ မြို့ဦးကွက်သစ် ဟံႏနယ်ႏ(၁)၊ ထမ်းဘုရာꩻပေါက် ကိုကအဝ်ႏအုံဒါႏ၊ ဝေင်ꩻဟိုပုံꩻ၊ မြို့ဦးကျောင်ꩻတွိုက် ဗွေႏဆရာႏတောႏ ဗွေႏဇာဂရ အမွိုးဗွေႏ စင်ꩻမွိုးရွဲး သက် ( ၅၅) နေင်ႏဗွေ လွူးဖွာꩻမွူးနီꩻ " လွိုခေါ်ယံတရာꩻပွယ်ꩻ" ကို ဓမ္မကထိက ဗွေႏပညာလောက ပင်တွန်ႏ ဟော်ꩻနယ်လွေꩻဖေႏ "ကေꩻဇူꩻမွိုးဖါ လိုႏဆပ်ချာ" တရာꩻယာႏနုဲင်းယိုသွူဩ။ ရွုတ်မွန်ဗွီဒိယိုတောင်ႏသေꩻအီအမုဲင် - ခွန်သꩻဗွာ လေတင်ႏပိုႏ အနုပညာႏထာꩻမာꩻ ဝေင်ꩻဟိုပုံꩻ။ သဗ္ဗဒါနံ ဓမ္မဒါနံ ဇိနာတိ။ ထာꩻလူႏအကို လူႏတရာꩻယို မျတ်လွိုလဲင်းဝင်ꩻသွူ။ လူႏတရာꩻယို ဒါနကို မျတ်လွိုလဲင်းဝင်ꩻဩ။ နာႏတရာꩻအကျိုꩻ(၅)ပါꩻ ဟွိုင်ဗာႏ စဲင်းသျင်ႏ ဟောင်းနဲ့ကင်ႏ စွို့ꩻလင်ꩻ သꩻခွစွူ။ ဗုဒ္ဓဟော်ꩻခါႏ နာႏတရာꩻ ငတ်ꩻပါꩻ အကျိုꩻသွူ။ ဗုဒ္ဓဘာႏသာႏ သာႏသနာႏ ဖေႏတဉ်ႏခွေါင် ညဆွာꩻတာႏနဝ်ꩻ ရွစ်နေးတောမ်ႏဖြောင်းနဝ်ꩻ သာႏသနာႏ ခွေါင်တဉ်ꩻညနွောင်ꩻတဝ်းနေား။ လွိုက်နာႏ ကျင်ꩻသုံꩻဒျာႏ နီဗွေႏဖရာꩻ ဩဝါႏဒ ငဝ်းငွါမꩻ သာႏသနာႏယို လေထင်ႏ တဉ်ႏခွေါင်ညဆွာꩻနွောင်ꩻနဝ်ꩻသွူဩ။ ဗုဒ္ဓသာသနံ စိရံ တိဋ္ဌတု။ ဗုဒ္ဓသာႏသနာႏ ညဆွာꩻ ခိန်ႏခါႏ တဉ်ႏသွော့ဩ။ ဗုဒ္ဓသာႏသနာႏ ညဆွာꩻ ခိန်ႏခါႏ ခွေါင်သွော့ဩ။ ဗုဒ္ဓသာႏသနာႏ ညဆွာꩻ ခိန်ႏခါႏ လေသွော့ဩ။