Perezida Kagame na Tshisekedi basuye ahangijwe n'imitingito i Rubavu

Perezida Paul Kagame na mugenzi we wa Repubulika Iharanira Demokarasi ya Congo, RDC, Félix Antoine Tshisekedi, basuye Umujyi wa Rubavu ahari bimwe mu bikorwa birimo imihanda n’ibindi byangijwe n’imitingito yakurikiye iruka ry’Ikirunga cya Nyiragongo. Mu bikorwa remezo byasenywe n’iyo mitingito harimo inzu zirenga 267 zasenyutse kubera umutingito, izindi 859 zirangirika. Ziyongeraho umuhanda wa kaburimbo, umusigiti n’ibigo by’amashuri. Ikindi ni uko hegitari eshatu zakorerwagaho imirimo y’ubuhinzi i Rubavu zangiritse bikomeye.