✨現場實況：謝霆鋒👱🏻四眼斯文造型chok爆尖沙咀😎過百fans嗌破喉嚨應援🗣️貼心行出店外派福利🥰以招牌煞食微笑隔大馬路影大合照📸預計巡演到明年🎤賣關子唱返香港作終極尾場❓｜Viu1現場實況

✨現場實況：謝霆鋒👱🏻四眼斯文造型chok爆尖沙咀😎過百fans嗌破喉嚨應援🗣️貼心行出店外派福利🥰以招牌煞食微笑隔大馬路影大合照📸預計巡演到明年🎤賣關子唱返香港作終極尾場❓｜Viu1現場實況 謝霆鋒今日官仔骨骨配眼鏡look現身尖沙咀出席名錶開幕活動，佢趁活動開始前，由經理人霍汶希陪同專登行出店外，同企對面嘅過百位鋒迷打招呼，再以口形表示「我過唔到去」，最後隔住條街完成合照mission，極寵粉呀！ 之後霆鋒同老闆楊受成、楊諾思等進行開幕儀式，期間見霆鋒不時Chok爆揮手，又露出煞食微笑，每一舉手一投足都足以迷倒對面岸嘅鋒迷，齊齊嗌破喉嚨尖叫！ 事後霆鋒透過公司表示歷時長達兩年嘅巡演，目前已經成功完成超過34場演出，暫定淨返5站，而其中兩站仍未公布地點，霆鋒預計會唱到明年！到底會唔會再唱返香港做尾站呢？霆鋒笑言都要睇時間決定：「下年有啲工作都已經籌備當中，不過其實香港同部分內地城市好近，我知道唔少香港朋友都會特意飛去內地睇騷，而且每一站除咗當地觀眾，亦會吸引好多唔同地方嘅歌迷！」 另外，活動吸引多位城中富豪名人到場，包括李家誠、何猷龍、馬清鏗、劉鑾雄同甘比、細女劉秀兒，仲有楊受成太太陸小曼及其多位兒女楊其龍同太太Martina Sivkova、楊政龍、楊玳詩等，依家即刻送上實況片！ #謝霆鋒 #Chok爆 #名錶活動 #官仔骨骨 #霍汶希 #鋒迷 #巡演 #明年 #終極香港站 #現場實況 #Viu1娛樂新聞 #Viu1煲劇平台 #Viu1 #Viu 記得Subscribe Viu1HK嘅YouTube Channel，Follow埋IG、Threads同Facebook page呀👇🏻 ___________________________________________________________ ►訂閱 Viu1HK YouTube Channel: https://bit.ly/3lYFNLW ►追蹤 Viu1HK Instagram:   / viu1hk   ►追蹤 Viu1HK Threads: https://www.threads.com/viu1hk ►讚好 Viu1HK Facebook page:   / viu1hk   ►觀看更多精彩內容：https://www.viu.com