“Bir-birimizə sarıldıq, o anı ölənə qədər unutmarıq” | Topçu qardaşların döyüş hekayəsi - Baku TV

44 günlük Vətən müharibəsində adlarını Zəfər tarixinə qızıl hərflərlə yazdıran qəhrəmanlarımızdan ikisi də Xocalıdan olan topçu qardaşlar – Şəhriyar və Cavad Quliyevlərdir. Qardaşlar Birinci Qarabağ müharibəsinin iştirakçısı olan atalarının yolunu davam etdirərək Vətən müharibəsinə qatılıblar. Suqovuşan və Talış kəndləri istiqamətində gedən döyüşlərdə iştirak edən Cavad Quliyev Baku TV-yə müsahibəsində həmin günlərdə qardaşı ilə eyni istiqamətdə xidmət etdiklərini, lakin mövqelərinin bir-birindən aralı yerləşdiyini qeyd edib. “Qardaşımla ikimiz də top komandiri idik. Mövqelərimiz arasında təxminən 10-15 kilometr məsafə var idi. Bir gün xidmət etdiyim ərazi topla vuruldu. Bundan sonra qardaşımla əlaqə saxlaya bilmədim. Həmin ərəfələrdə müəyyən təminat vasitələrini aparıb-gətirirdik. Qardaşımın olduğu mövqenin yaxınlığından keçərkən onunla görüşmək qərarına gəldik. Bir-birimizi görən kimi bərk-bərk qucaqlaşdıq. O anı ölənə qədər unutmaq olmaz”, – deyə o əlavə edib. Şəhriyar Quliyev isə həmin gün yaşadığı narahatlığı və qardaşını sağ-salamat gördüyü anın sevincini belə xatırlayır: “Qardaşımın sağ olub-olmadığı barədə heç bir məlumatımız yox idi. Sadəcə onların olduğu ərazinin atəşə tutulduğunu bildirmişdilər. Çox narahat idim, birdən gördüm ki, qardaşım maşından düşür. Həmin an keçirdiyim hissləri, duyduğum sevinci sözlə ifadə etmək mümkün deyil. Bir-birimizə sarılarkən göz yaşlarımızı saxlaya bilmirdik”. Bizi WhatsApp-da izləyin https://whatsapp.com/channel/0029VaAm... https://t.me/bakutvxeber https://x.com/bakutvofficial   / baku.tv   https://www.baku.tv ❂❂❂❂❂ 2026 © All Rights Reserved ℗ "Baku TV" LLC ™ #bakutv #bakutvxəbər #gündəm baku tv,baku tv xəbər, aktual xəbər, Azərbaycan xəbərləri, xəbər, baku tv canlı, gündəm, son dəqiqə, xəbər, Azərbaycanda son xəbərlər, Azərbaycan