جالي عرض شغل بسبب كورس ما خدتوش أصلا

أول شغل في حياتي لقيته وأنا ماشي في الشارع راجع من الكلية، وعرض شغل تاني جالي بسبب كورس ما خدتوش أصلا. القصة كاملة في الفيديو ده. لو متخرج جديد من computer science أو أي مجال تاني وتايه ومش عارف تركز في إيه، أنا كنت في مكانك ولسه بحس بنفس الحيرة كل شوية. الفيديو ده مش روشتة جاهزة، ده اللي حصل معايا فعلا، وخلاصته: ما تفكرش كتير وارمي نفسك في البحر. في الفيديو هتسمع: ازاي مشيت أعرض نفسي على الشركات اللي في طريقي لحد ما بدأت internship وبعدين part-time وبعدين full time ازاي كورس ما خدتوش وصلني بعد شهور بعرض شغل من talent acquisition ليه المشاريع اللي بتنزلها وكلامك مع صحابك ممكن يجيبولك شغل ليه ما تحطش نفسك في LinkedIn بس وليه إنك تستنى كل حاجة تبقى perfect بيضيع عليك فرص كتير ده أول فيديو على القناة، وبصراحة اتصور 3 مرات. المرة الأولى كانت تست كاميرا وصوت، والتانية بمايك مستلف ومكالمة وقفت التسجيل وأنا كنت بكلم نفسي من غير ما أخد بالي. التالتة عملت فيها Do Not Disturb. وشكرا لحلمي على المايك. ولو لقيتني ببص على الشاشة كل شوية، فده عشان كنت مشغل Claude Cowork على شوية مهام وببص أطمن على التاسك. قولي في الكومنتس: انت دلوقتي فين؟ بتتعلم، بتقدم على شغل، ولا واقف بتفكر؟ وقولي كمان نكمل في الفكرة دي ولا لأ. أنا هرد على كل كومنت وكل سؤال. وزي ما قلت في الفيديو، فيه كورس جاي في الفترة الجاية وغالبا هيكون عن الأتمتة (Automation). لو مهتم اكتب لي في الكومنتس. أنا كريم منصور وبشتغل في AI Automation. لو عندك شغل أو فكرة محتاجة حد ينفذها، كلمني. اعمل لايك واشترك عشان توصلك الفيديوهات الجاية، وكلمني على أي منصة: LinkedIn:   / kareemmansourai   الفصول: 0:00 ثالث مرة أصور الفيديو ده 0:43 من غير سكريبت ولا عنوان وClaude شغال جنبي 1:21 أغلبنا تايه، والخريج الجديد يركز في إيه؟ 2:13 ارمي نفسك في البحر 2:49 أول شغل في حياتي لقيته في الشارع 3:33 لحظة الشك: أكمل ولا أرجع البيت؟ 4:02 من internship لحد full time 4:25 الدرس: ما تفكرش كتير 4:53 كورس ما خدتوش جابلي عرض شغل 9:45 ما تفضلش ساكت: اعمل projects وانزلها 10:07 شغل جالي من كلامي مع صحابي 10:54 ما تحطش نفسك في LinkedIn بس 11:39 كل شغل جالي من مكان مختلف 12:26 ليه سجلت أول فيديو من غير ما أفكر 14:05 سيبك من فكرة إن كل حاجة تبقى perfect 14:42 بص ورا عشان تكمل مش عشان ترتاح 15:41 ختام وكورس الأتمتة #خريج_جديد #ازاي_تلاقي_شغل #نصايح_للخريجين