ذكرى عزاه - خالد ال بريك & سلطان الحويقل - سبحان من علق الاحباب فأحبابها 2026

ضع لايك للفيديو + إشترك معنا subscribe + Like ‎فعل الجرس 🛎 ‎ليصلك كل جديد✔️ .. " لمتابعة شيلات الروقي عبر السناب "   / u511   مريت واد الرشى و الشمس فيها حياه في سد ضلع جبله على اخر غيابها لون الشفق مع طرفها مثل حنى الفتاه اللي من العام ترجي شوف خطابها عيا عليه النصيب وحط فوقه حصاه وهمايل الدمع رايبتن على اهدابها واللي يبيّن وفاها من نهار الوفاه تنشد عن المقبره وتدوّر ترابها وتعطرت ب الثرى من يوم طيب ثراه تعرّض الليل وترصه على ثيابها مع كل داير سبوع تعيد ذكرى عزاه سبحان من علق الاحباب ف احبابها الوادي اللي ماوسطه غير جرة مهاه ومكاسر الشلف و الحربه و حرابها سجيت رجلي معه و اطلقت شوفي وراه وسويت قطماً يعرف الكيف شرابها ونشدته عن الجدود اللي تحاموا علاه يوم الاصايل يفض القوم ركابها وانا اعرف فعول من ساق الجمل واحتماه ب اللي يقطف زعرة الروس مضرابها عندي علوم الرواه اللي تخصم الرواه وفراجً جدي تمثلها و غنابها عندي قصيده و عندي بشته اللي زهاه والبندق اللي يشب النار مشهابها من سبقه ماتعلا غير صفراً صهاه اللي سرح يم ابن هندي وقفابها قليعة الشيخ يهديها عقيد الغزاه اللي يلقم رسنها لا تلوى يها اما نطحت العرب والا عديت معداه ماتبخص الخيل لين يبين مهذابها وعنيت مطلوقة اليمنى عريض القطاه اللي مايدفع مهرها غير كسابها من حظ شيخً بنات الريح تشعف هواه قد علّق الجوخه الحمرى على ارقابها غازي و غازي حفيد مطوعين العصاه السربه اللي يرف الموت ب اشنابها دواهيً ضربهم يخلي عروش الطغاه تدرا زعلها القبايل قبل تبلابها من بطشهم يذعن الطايش ويوخذ عشاه وتقصر يمينه لاونه قد تعشابها وابوه تقضي فوانيع العرب من قضاه رايه يحل النشايب قبل منشابها شيخً تعيش اليتاما تحت فية عصاه يذهل عقول الدهاه ويكسب اعجابها فعل ابن عيده مع التاريخ ماحدً نساه صطر ( قواميس نجد ) وختّم كتابها من كثر ماطاب اخو جوزى مايلحق جزاه شقر القرانيس تكفخ فوق مرقابها ياسايق الطيب قبل الطيب ياخذ سراه عده على روس قومً يحسب حسابها الاد مفلح لامن الحرب دارت رحاه العزوه اللي نهار الهوش يدعابها اضفو على من يحج البيت كم العباه الين كبّر على مكه و صلابها الدرمه اللي خذوها ماخذوها غناه مع راية الحاكم اللي طوّع اصعابها مجد الدعاجين مجدً مايوقف صداه يصعق على الارض لين يزلزل هضابها بناية البيت الاسود فوق راس النباه قدامه اهل البشوت تنوخ ركابها عن وسم ذيدانهم ماينشدون الرعاه البل تدوس المخاطر لين ترعابها يوم البلاجيك تعبى والرماه الرماه قصاف الارواح كنه داخل اخشابها الملح الاشهب يوقع في مصب الجباه لو السراب يتقطع قدم ملهابها مع دربهم خلو السرحان يترك عواه لو السراحين شرهتها على انيابها من عقب ماهوب يزبن كل ضلعً رقاه يزبن نحور الجنايز ويتذرى بها والحمد لله .. عم الامن كل اتجاه والفتنه اقفى زمنها وانقفل بابها