تسيورة حلم للشاعر الراحل ذياب كزار💔😔🤚#الوصف

تسيورة حلم خنجر بلكي احسن بلكي الگاك.. مره تمزگ بروحي واگول انته شعندك ياشمس ميته شعندك سيرت يمي تسيورة حلم ادريها جذابه.... وشمس ميته هذا انه يبعد انه الاجه ويبعد الراح شمعه بلا عرس معلوگه... ياذل ضواها اتنزف ليمته هذا انه يبعد هناك اشتل بلجرح طرواك..... وهلال العمر لا هل ولا شفته ولملت الدمع تيزاب بعيوني... ولك تيزاب واحبسته سهر بردي وجحيل ازرگ يلخشبه الگلب لو طگ يلسحن الجفن بجفوفك اسحنته شعندك ياشمس ميته... جفنهه الثلج والغيبه والسكته شعندك ياولك يااخ ياهدني .... يدم يفور ثلجته مسير وجايني جويريد يابس .... لا خضار البيك يرويلي عطش عمري اليبسته ولا فيضك دفگ زوده عله صبخايه عشگنه المات من وكته مسير جا كذلتك وين وجناغك معاضيدك وحبس خنصرك البلعباس زورته مسير جا حجينه وين وگومتنه وگعدتنه وروحتنه وجيتنه ولو فضل شعرنه الگمر لملمته ولو بلل دربنه المطر عاتبته ولو غشمر فرحنه الهوه غشمرته مسير ياشمس ميته يااااخر جرح بيه تلملم غصبن عله الروح والجمته ضل بس النبض بگليبي اخذه وروح لاردتك ولا ردته وعساهه ببختي وبختك