古天樂紅館頭場星光熠熠 被宣萱笑指年紀大先開騷

古天樂紅館頭場星光熠熠 被宣萱笑指年紀大先開騷 古天樂 入行多年來首次紅館演唱會星期五晚揭開序幕，騷上古仔獻唱多首經典歌之外，全晚嘅嘉賓更加係星光熠熠。而有機會係入行惟一可以狂串古仔嘅 宣萱 ，同主角古仔合唱完新歌之後，就笑古仔可能係繼修哥胡楓之後，第二個年紀最大先喺紅館開騷嘅人，除即被古仔反擊兩人年紀相約。 阿姐 汪明荃 嘅現身令全場尖叫，兩人合唱《熱咖啡》之後就開始閒談，阿姐仲趁機話多謝古老闆畀機會佢喺紅館唱歌，又話自己好耐冇拍電影，希望有機會合作。今個月28號係阿姐生日，古仔專登準備蛋糕為阿姐預祝。 「華星之友」 楊千嬅 亦係嘉賓之一，兩人合唱《野孩子》又傾談多來合作過嘅劇集同電影，當千嬅想古仔獻唱經典歌《今期流行》時，被古仔當場一口拒絕，千嬅就自己清唱幾句，仲向古仔請教舞姿。 #古天樂 #紅館 #嘉賓 #星光熠熠 #宣萱 #年紀大 #汪明荃 #熱咖啡 #電影合作 #楊千嬅 #華星之友 #今期流行 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0