د داعش پخواني جنګیالي اوس څه کوي؟

په افغانستان کې ننګرهار ولایت او د دې ولایت غرنیزې سیمې، هغه سیمه چې داعش یا اسلامي دولت وسلوالې ډلې پکې د لومړي ځل له پاره سر را پورته کړ. که څه هم افغان حکومت وايي چې داعش ډلې ته یې په افغانستان کې ماته ورکړې خو بیا هم دغې ډلې د پلازمینې په ګډون په یو شمیر سیمو کې خونړي بریدونه کړي دي. د دغې وسلوالې ډلې ګڼ شمیر جنګیالي د حکومت له لوري نیول شوي او یو شمیر نورو یې بیا له وسلوال فعالیته لاس اخیستی دی. په دغه رپوټ کې همداسې یو جنګیالی درپیژنو.