نارك سلام - سعيد ال كوال | ( حصريًا ) 2026

الكلمات : استفـرس الحزن معلوقي وحزني تليد والضيق في شارحـة صدري غرس مخلبه غياب ..وشعـور فرقـى .. والمواجع تزيد بيـن اجتمـاع العـزا والعيـد وجـه وشبه تمـرّ الاعـوام .. ويبـان الشقـي والسعـيد وانا مابيـن ألعن الحـظ الشقي واشجبه انثـرْك فوق الورق // واسقيك لحن ونشيد واجنيـك جـرحٍ عجـزت ادراه واطبـّبـه ياغايبة: وش بقى لي منك غير القصيد اليا كتبتك بكـى حبـري قبل لا اكـتـبـه ياغايبـة؛ في زحـام الناس كـنّـي وحـيد ماباقـيٍ مـن بقـايـا صـوتي الا اشحـبه اتخـيّـلك عـيد والبـس في لقاك الجديد واثـرك سـرابٍ تمنّـيت الحـقه واشربـه تهبّـنـي ريـح ذاكـرْة الـزمـان العـنـيد واثبت ثبات الورق بغصوني المجدبـة واتذكـّرِك .. واتحسّـس في ضلوعي وقيد واقول: نارك سـلام .. وحـرّك: اكـذّبه على ضفافـك: سفكت الدمع سفك الوريد واللي بقـى .. بيدي اغـرف جمّـته واسكبه عن شرهـة العاذلين .. وعين ساعي البريد من شافني قال: مايـرخي الـزمن منكـبه لـدّي نظـر رحمـتك صـوبي.. ونظرتك عيد وانا: بقايا اسئلـة .. وانتي بقايا اجوبـه