Secret Spot Unlocked Motocamping Experience|SANGAY CAMARINES SUR

Matagal-tagal din tayong walang bagong upload dahil naging busy tayo sa trabaho. Pero kahit naging busy sa araw-araw na buhay, hindi naman nawala ang kagustuhan nating bumalik sa kalsada… at maghanap ulit ng mga lugar kung saan pwede tayong magpahinga at mag-enjoy. At ngayong araw, finally… balik camping na ulit tayo. At ang mas espesyal sa adventure na ito… Kasama ko ang kaibigan kong kauna-unahan kong nakasama sa camping noong si Vani pa ang gamit natin. Ngayon, ibang motor na ang kasama natin… Pero pareho pa rin ang saya ng paglalakbay. Mula Tabaco City, bumiyahe kami papunta ng Sangay, Camarines Sur. Hindi naman namin alam kung ano talaga ang makikita namin pagdating doon. Ang alam lang namin… Gusto lang namin makahanap ng isang tahimik na lugar kung saan pwede kaming mag-camp at makapagpahinga. At nang makarating kami… Dito namin natagpuan ang beach. Isang raw camping spot. Simple lang. Walang resort. Walang mga kwarto. Walang masyadong tao. Dagat, mga puno, at yung tahimik na atmosphere na matagal-tagal na rin nating hinahanap. Minsan pala… Hindi natin kailangan ng mamahaling bakasyon para makapagpahinga. Minsan… Isang motor lang. Isang kaibigan. Isang tent. Isang tahimik na beach… at ilang oras na malayo sa ingay ng araw-araw na buhay. At pagkatapos ng isang buwang pagiging busy sa trabaho… masarap din palang makabalik. Hindi man tayo palaging makakapag-upload… ang mahalaga… hindi natin nakakalimutan kung bakit tayo nagsimula.