ទឹកភ្នែកដានី ភ្លេងសុទ្ធ សម្រាប់នារី ខារ៉ាអូខេ Karaoke សំនៀងដើម រស់ សេរីសុទ្ធា

ទឹកភ្នែកដានី បទភ្លេង និង ទំនុកច្រៀងដោយលោក ស៊ីន ស៊ីសាមុត ដឹកនាំភ្លេងដោយលោក ហាស់ សាឡន ច្រៀងដោយអ្នកស្រី រស់ សេរីសុទ្ធា ចម្រៀងក្នុងភាពយន្តរឿង បងយល់ខុសហើយ ឬ ព្រាត់ព្រោះរឿងអ្វី ពោលៈ អនិច្ចាបងអើយ! ភ្នែកបងពិការ តើបាននរណាដឹកដៃបង? ១ - ទឹកភ្នែកដានីនារីកម្សត់ ផលកម្មតាមមកពង្រាត់ ឲ្យស្នេហ៍ស្រីព្រាត់បាត់ពីឱរា ព្រោះតែយល់ខុសថាក្ដីស្នេហ៍ស្មោះប្រែជាសាវា នៅសល់តែអក្ខរា ឲ្យស្រីខ្លោចផ្សាកន្លង ២ - បំណាច់ចិត្តនឹកហើយស្រលាញ់ប្ដី អាសូរខ្លួននាងជាស្រី នាងព្រួយស្ទើរក្ស័យអាល័យស្នេហ៍ស្នង ទឹកភ្នែកទួញថាតើបាននរណាដឹកដៃប្រុសបង យប់ស្ងាត់ភ្នែកងងឹតផង បងអើយវេទនាម្ដេចទៅ បន្ទរ - បើបងស្អប់អូន គួរអាណិតកូនយំស្រែករកឪ កូនយំមើលផ្លូវ ចាំជួបមុខឪជាម្ចាស់សង្ខារ ៣ - ទឹកភ្នែកដានីសំភីស្នេហ៍ស្មោះ ស្នេហ៍ស្រីបរិសុទ្ធឥតខ្ចោះ នៅទៀងទាំងអស់ប្រុសកុំសង្កា តំណក់ទឹកភ្នែកស្រែកថ្ងូរបែរបន់ឥន្ទព្រហ្មទេវតា សូមលោកអាណិតមេត្តា ជួយនាំស្នេហាជួបវិញកុំខាន ៕