Fanya hivi ukitaka usilipe Kodi: Siri ya Kulipa Kodi ya Kweli

Je, ni halali kulipa kodi kwa Kaisari au la? Kundi la Wafarisayo na Waherodi—ambao kihistoria walikuwa maadui wa jadi—waliamua kuungana na kutanika pamoja kwa nia moja tu: kumtega Yesu kwa swali hili gumu lenye uzito mkubwa wa kisiasa na kidini. Walitegemea jibu la "ndiyo" au "hapana" ambalo lingemponza upande mmoja, lakini jibu la Yesu lilivuka mantiki yao nyembamba na kuzishtua dola zote za dunia. Katika tafakari ya Dominika ya 29 ya Kipindi cha Kawaida (Mwaka A), tunazama ndani ya muktadha wa kihistoria wa sarafu ya denari iliyobeba picha ya Kaisari Tiberius, aliyetawala akijiita "Mwana wa Mungu" kwa urithi wa baba yake Augusto. Yesu anafunua siri kubwa ya kiroho: ikiwa sarafu inapaswa kurudishwa kwa Kaisari kwa sababu inabeba sura yake, mwanadamu ambaye amefanywa kwa "sura na mfano wa Mungu" anapaswa kurudishwa kwa Muumba wake kikamilifu. #Luxfidei #MwangawaImani