પીઠલપરની જાનબાઈ ખોજા | નીલકંઠ વર્ણીએ ગાયનું દૂધ પીધું અને કહ્યું - મહાદેવે અંગીકાર કર્યું

પીઠલપર ગામની જાનબાઈ ખોજા નો નિયમ હતો - રોજ ગાયનું દૂધ ગોપનાથ મહાદેવને ચડાવવું, રસ્તામાં કોઈ ભૂખ્યો-તરસ્યો મળે તો એને પાવું. એ દિવસે રસ્તામાં એને નીલકંઠ વર્ણી સામા મળ્યા. જાનબાઈની નજર સ્થિર થઈ ગઈ, પગ જડાઈ ગયા. એનાથી બોલાઈ ગયું - "એ મહારાજ! ઊભા રહો!" વર્ણી ઊભા રહ્યા. જાનબાઈ દોડીને આવી અને બોલી - "મહારાજ! ગાયનું દૂધ છે, પી જાવ." વર્ણીએ હસીને લોટી લીધી, પોતાના કમંડળમાં નાખી પી ગયા. પછી કહ્યું - "જાનબાઈ! તારું દૂધ આજે મહાદેવે અંગીકાર કર્યું." આટલું સાંભળતા જ જાનબાઈના હૃદયમાં શાંતિના શેરડા પડી ગયા!