【日本🇯🇵自由行】立山黑部雪山大冒險｜穿越16米雪之大谷/挑戰3003米雄山/45度雪山急斜坡/雲海/意外遇見雷鳥/摸黑落山｜Yuson and Zack

日本春季雪山之旅🏔️❄️今次我哋由富山出發，正式挑戰日本超人氣嘅立山黑部！由立山站搭纜車、再穿越雲層登上室堂，一路由大霧慢慢變成壯觀雲海，仲可以近距離感受震撼嘅「雪之大谷」雪牆。今次最高雪牆約16米，現場人山人海，絕對係春天日本旅行必睇嘅夢幻景色！不過我哋今次唔止睇雪牆，仲決定挑戰海拔3003米嘅雄山⛰️，雪地行山期間有啲位置一腳踩落去可以陷入50–60cm，甚至要手腳並用爬上超過45度嘅雪山斜坡。究竟最後可唔可以成功登頂？仲意外遇到一直想見嘅雷鳥？去片一齊展開今次立山黑部雪山大冒險！ 【今集影片攝於：2025年春季】 ►[富山] 電鐵富山站 　↓ 富山地方鐵道 ►立山站 　↓ 立山登山纜車 ►美女平 　↓ 立山高原巴士 ►室堂 立山站出發後，先經美女平再搭巴士前往室堂。沿途由山腳慢慢穿過雲層，天氣由大霧轉為晴朗，登上山頂後更可以望到一大片雲海。 【立山黑部・雪之大谷】 今次第一個重點當然係超震撼嘅雪之大谷！巨大雪牆迫近巴士兩旁，最高位置今年約16米，高度足足有幾層樓咁高。影完雪牆之後，我哋就正式向室堂山區進發。 【室堂・雪山行山】 室堂一帶除咗可以欣賞雪景同雲海，仲有多間山上旅館及溫泉。今次我哋帶住雪爪同登山杖挑戰雪山，途中好多位置積雪深厚，一腳踩落去隨時成隻腳陷入雪入面，亦見到有人帶住滑雪裝備上山。 【挑戰雄山 3003米】 由室堂一路向雄山進發，原本行到一半都諗過係咪應該折返，但最後決定繼續挑戰！沿途有石路、積雪及陡峭斜坡，部分位置需要手腳並用先可以繼續向上。最後成功登上海拔3003米嘅雄山，山頂可以見到壯觀雲海同雪山景色。 【立山・雷鳥】 出發之前已經聽講立山有機會見到雷鳥，行山途中更加聽到雷鳥叫聲。最後落山期間竟然真係意外遇到雷鳥，成為今次旅程其中一個最大驚喜！ 【沙防博物館】 趁等車期間，我哋亦去咗立山嘅沙防博物館，了解附近嘅地理環境、生態，以及立山一帶嘅地形資料，亦可以睇到立山模型。 【雪山溫泉旅館】 完成一日雪山行程之後，我哋入住山上溫泉旅館。由朝早開始行雪地，到傍晚甚至摸黑落山，最後返到旅館食晚餐同浸溫泉，成個旅程真係又攰又難忘！ 今次立山黑部之旅，究竟16米雪之大谷有幾震撼？雪地行山到底有幾難？3003米雄山最後上唔上到？仲有今次意外遇到嘅雷鳥究竟有幾可愛？一齊睇片啦🏔️❄️ 【Yuson & Zack會員上線啦✈️】 ⭐️ 成為會員即享獨家獎賞 ⭐️ YouTube: @iusontv 【更多 Yuson & Zack 的日常】 ► Instagram: @iusontv ► Facebook: Yuson and Zack #YusonandZack #日本自由行 #日本旅行 #立山黑部 #立山黑部阿爾卑斯山脈 #雪之大谷 #室堂 #雄山 #立山 #富山旅行 #富山自由行 #雷鳥 #雪山行山 #日本Vlog #日本旅遊