6 NOVEMBER 2026 LPS CHANCHINTHAR

⭐ Home Minister Pu K Sapdanga chuan halpuah leh halmawi khapna dân siam thar 'The Mizoram Regulation of Fireworks Act, 2026' chu mumal taka kenkawh an tum thu sawiin kumin krismas leh a vuak vetah pawh mipuiin dân an zawm a, halpuah leh halmawi hâl ri hriat tur a tlêm phah an beisei hle tih a sawi. ⭐ Vawiin khan Lunglei District chhunga zirlaite'n Artificial Intelligence (AI) an hmelhriat theihna tur leh a ṭangkai zawnga an hman thiam theih nana inzirtirna, "Lunglei Gen-AI Mission: Lunglei's Gen-Alpha, Empowered by AI" kalpui tur chu Government High School, Lungleiah Chief Minister Pu Lalduhoma chuan a hawng. ⭐ Kum sawm hnua Olympic Games-a tel thei tura naupang an chher hriam mekte hnenah National Games medal tal la ngei turin Sports Minister Pu Lalnghinglova Hmar chuan a fuih. ⭐ EverHome Youth Icon 2026 first round intihsiakna zan tawp berna chu zanin dar 8:00 hian LPS Auditorium-ah neih leh a ni dawn a, mi 34 in intihsiakna an nei leh ang. Ruahman lawk ang chuan naktuk inrinni zanah first round intihsiak result hi puan a ni ang.